Урлагийнхны гадаад дүр төрхөндөө анхаарал тавих хандлага, тэдний өөрчлөлт үзэгч, фэнүүдэд нь үргэлж сонирхолтойн дээр урам, хүч өгдөг билээ. Энэ бол Холливудын оддоос авахуулаад нэр алдартай бүх хүний хувьд үзэгчдээ хүндлэх соёлын хэмжээнд үнэлэгддэг болсон хэмжүүр юм.
Хамгийн сүүлд гэхэд Их Британийн алдарт дуучин Адель 20 кг жин хасаж, цоо шинэ дүр төрхтэй бүтээсэнд дэлхий даяарх фэнүүд нь талархан хүлээн авсан.
Үүнтэй адил жишээг Монголоос ч олж харж болно.
Жишээ нь, дуучин Д.Отгонжаргал жингээ хасаж, спортоор хичээллэх болсон нь түүний сонсогчдод ихэд таалагдаж байгаа гэдэгт эргэлзэхгүй байна. Илүү үзэсгэлэнтэй, залуу, халуухан харагдахад түүний амьдралын хэвшил дэх өөрчлөлт онцгой нөлөө үзүүснийг зургаас харж болно.
Дуучин Д.Отгонжаргал фитнест тасралтгүй явж, ууланд алхах болсон туршлагаа фэйсбүүк хуудсаараа харамгүй хуваалцдаг. Мөн хоол хүнсний хэрэглээндээ ч анхаарал тавьж, өндөг, ногоо, мөөг, сайн чанарын мах сонгох хэрэгтэйг тэрбээр зөвлөжээ.
