Охидын шүтээн Roockie ХMF наадамд оролцоно

Сүүлийн үед охид залуучуудын дунд хип хоп урлаг эрчтэй хөгжиж байна. Орчин үед дэлхий болоод Монгол Eлсад эерэгээр хүлээн зөвшөөрөгдөж байгаа энэхүү урлагийн энэ цагийн төлөөллүүдийн нэг бол реппер У.Мөнгөнбагана буюу Roockie.
Өдгөө 25 настай тэрбээр энэ сарын 19-нд Төв цэнгэлдэх хүрээлэнд болох XMF олон улсын хөгжмийн наадамд оролцож, ая дуугаа өргөнө. Анх 16 настайгаасаа эхэлж, энэ соёлыг сонирхож дуулж эхэлсэн түүнд аав нь ихээхэн нөлөөлсөн гэдэг. Учир нь түүний аав бага байхад нь дандаа л итали дуу сонсдог байсан ба хөгжмийн мэдлэгтэй хүн байсан гэдэг.
Өдгөө охид залуусын шүтээн болсон Roockie өөрийн урлагийнхаа нэрний тухай ярихдаа “Rookie гэдэг нь “залуу тоглогч” гэсэн утгатай үг Roockie болоод “с” үсэг нэмэгдээд ирэхээр нэр үг болоод ирдэг юм. Нэг өглөө зүүрмэглээд хэвтэж байтал зурагтаар сагсан бөмбөгийн тэмцээн явж байгаа нь зүүдэнд орж ирээд тайлбарлагч нь “roockie” тоглогч тэглээ ингэлээ гээд л ярьж байсан нь ерөөсөө мартагдаагүй. Тэр өдөртөө дуугаа бичүүлээд дуусахад чиний нэрийг хэн гэж бичих вэ гэж асуухад нь яагаад ч юм roockie гээд хэлчихсэн юм. Одоо бодоход Roockie гэдэг хэзээ ч хуучрашгүй санагддаг. Хэзээ ч, ямар ч үед залуу тоглогч хэвээрээ байна гэсэн утгатай” гэж ярилцлага өгч байсан түүхтэй.