Таван настайгаасаа шатраар хичээллэж эхэлсэн, сурагчдын болон сонирхогчдын ДАШТ-ий алт, мөнгөн медальт, Олон улсын шатрын холбооны дэд мастер Н.Содбилэгт хүү Мальт улсын Мельеха хотноо үргэлжилж буй “2022 оны шатар сонирхогчдын дэлхийн аварга шалгаруулах тэмцээнд” амжилттай оролцлоо.
Аавынхаа төрсөн өдрөөр Дэлхийн аварга болж баярлуулна гээд Буурал Европыг зорьсон 13 настай хүү Н.Содбилэгт Монгол улсынхаа далбааг дөрвөн удаа дэлхийн дэвжээнд мандууллаа.
Шатар сонирхогчдын дэлхийн аварга шалгаруулах тэмцээний 2000 хүртлэх рейтингтэй ангилалд таван тивийн 38 орны 75 шатарчидтай тэсвэр хатуужил, оюун ухаанаа уралдуулж 8 өрөг тоглож 8 хожиж 1 өргийн өмнө Дэлхийн аварга болох болзлоо хангажээ.
Монгол хүүхдийн оюун ухааныг дэлхийд дахин гайхуулж дэлхийн хошой аварга боллоо.
Н.Содбилэгт нь сурагчдын шатрын дэлхийн аварга болж байсан бөгөөд шатар сонирхогчдын дэлхийн аварга шалгаруулах тэмцээнээс алт, мөнгө, хүрэл металь хүртэж Монгол улсынхаа төрийн далбааг дөрвөн удаа дэлхийн дэвжээнд мандууллаа.
