Хорлоогийн Баянмөнх гэхээр таньд нэг их сүр хүч, нэг их нөмөр нөөлөг санаанд бууж байна уу. Хөдөлмөрийн баатар, Монгол Улс болон ЗХУ-ын гавьяат тамирчин, үндэсний бөхийн Даяар дуурсагдах далай даян дархан аварга, Олимпын мөнгөн медальт, чөлөөт бөхийн Дэлхийн аварга, XX зууны Манлай бөх, сурган хүмүүжүүлэх ухааны дэд доктор Хорлоогийн Баянмөнх зодог тайлах их ёслол үйлдэж, төрийнхөө наадмын зүлэг ногоон дэвжээнд хүндэтгэлээ илэрхийлсэн. Харин түүний бөхийн удмыг хүү гарьд Б.Гантогтох залгамжлан яваа.
Зодог тайлах үеэр нүдэндээ нулимс бөртөлзүүлэн зогссон охинг монголын ард түмэн андахгүй тэр бол Гантогтохын Хандсүрэн юм. Тэрээр Волейболын спортын мэргэжлийн тамирчин. Сар шинээр буурай аав ээждээ золгож түмэн олонд зүрх илгээжээ.
