Зээлсэн мөнгөө казинод үрдэг “Бэрэн” группын босс Б.Мөнхтөр

Хөгжлийн банкийг дампууртал казинодсон “бүтээн байгуулагчид”-ын нэг жишээ бол “Бэрэн групп”-ийн Гүйцэтгэх захирал Б.Мөнхтөр болсон.
Тэрбээр Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгахаар УИХ-аас байгуулсан Түр хорооноос Нотлох баримтыг шинжлэн судлах сонсголын үеэр 38.8 сая ам.долларын зээлийн зарцуулалтын талаараа тайлбар тавьсан байдаг.
Шинжээчийн дүгнэлтээр нийт 44 удаа казиногоор үйлчлүүлсний нийт 1 тэрбум 209 сая 802 мянга 209 төгрөгийн зарлага хийгдсэн нь ил болсон. Мөн Hotel казинод 77 удаагийн шилжүүлгээр 114 сая 259 мянга 544 төгрөг, Forex казинод 23 удаагийн шилжүүлгээр 46 сая 276 мянга 341 төгрөг, Makau, Macao казинод 254 удаагийн шилжүүлгээр 436 сая 276 мянга 341 төгрөг түүний нэр дээрх картаар зурагдсан байдаг.
Ямартаа ч, ард түмний дунд төсвийн мөнгийг өм цөм авч, казино тоглодог эрхэм гэх “Бэрэн”-гийн Б.Мөнхтөрийг бид энэ удаад онцолж байна.