Сонгинохайрхан дүүргийн Тахилт орчимд гарцаар гарч байсан бага насны хүүхэдтэй эмэгтэйг дайрсан зам тээврийн осол гарчээ. Тодруулбал, Цагдаагийн байгууллагад 2023 оны арав дугаар сарын 2-нд 19:33 цагт Сонгинохайрхан дүүргийн 33 дугаар хороо, Тахилтын дөрөвдүгээр буудал дээр “Зам тээврийн осол гарсан” гэх дуудлага, мэдээлэл бүртгэгдсэн. 
Тээврийн цагдаагийн албаны Мөрдөн шалгах газраас шалгахад 33 настай, эмэгтэй “О” гэгч нь 31 настай, эмэгтэйг таван настай хүүгийн хамт гарцтай хэсгээр зам хөндлөн гарах үед нь мөргөж гэмтээсэн хэрэгт мөрдөн шалгах ажиллагаа явуулж байна. Осол гаргасан жолоочийг согтууруулах ундаа хэрэглэсэн эсэхийг драгер багажаар шалгахад согтууруулах ундаа хэрэглээгүй байсан аж.
