Хөтлөгч П.Одгэрэл эмоцоо барьж дийлсэнгүй
Хувийн цуглуулгадаа ердөө л ганцхан удаа өмссөн 100 гаруй гоёлын даашинзтай гэдгээ хэвлэлд дэлгэснээс хойш “Монголын хамгийн баян сэтгүүлч” гэх давхар гуншин зүүсэн П.Одгэрэл хамтын амьдралд хөл тавьсан.
Өдгөө хоёр хүүхдийн ээж болсон тэрээр хотын утаанаас гарч Эрдэнэтийн Сэлэнгэ амралтад гэр бүлээрээ амарч байгаа аж.
Амьдралын аж жаргалыг мэдэрч яваа хөтлөгч бүсгүй маань эмоцоо барьж дийлсэнгүй өөрийн цахим хуудаснаа “Хайрын дээд болсон хамаг амьдралын утга учир гэр бүл минь. Та нартаа ямар их хайртайг би өөрөө ч хэлж мэдэхгүй” хэмээн бичиж гэр бүлийнхээ зургийг нийтлэжээ.
П.Одгэрэл “UBS” телевизээрээ өнөөг хүртэл овоглож яваа. Нэлээд хэдэн ном гаргахуйц хэмжээний шүлгийн түүвэртэй энэ авьяаслаг бүсгүй сүүлийн үед УГЗ, хөгжмийн зохиолч Л.Балхжавтай хамтарч ажиллах болсноор рок попын ертөнцөд хит дуунууд ар араасаа хөвөрч буй.
Хоёр ч хүүхдийн Ээж болсон гэхэд урьдынхаасаа огтхон ч өөрчлөгдөөгүй хөтлөгч бүсгүйн хайр халамжинд бөмбөрч, удам залгах нуган үрээ тэвэрсэн энэ царайлаг залууд атаархах хүн цөөнгүй байгаа биз.
Юутай ч гучин насны босго шүргэсэн хойноо үе тэнгийн, аятайхан залууг өөрийн болгоод амжсан хөтлөгч П.Одгэрэлийн амьдрал аз жаргал, хайраар дүүрэн байгаагаа олонд зарлалаа
