Холливудын алдарт жүжигчин, кендогийн хар бүстэй, тулааны мастераас гадна буддын ша¬шин¬тан, Ренбүүчи Стивен Сигал Батсүхийн Эрдэнэтуяа гэх Монгол бүсгүйтэй дэр нэгтгээд 15 жилийн нүүр үзэж байна.
Тэд албан ёсоор хуримлалгүй явсаар 2009 онд гэр бүл болж байсан. Стивен Сигалийн эмэг эхийг бага байхад гэрийнхэн нь Монгол нутгаас гарч Улаан-Үд рүү нүүдэллэжээ. Тэндээс явсаар Америкт хүрсэн гэж ярьдаг. Эмэг эх нь Стивен Сигалийн аавыг бага байхад өөрийнхөө амьдардаг байсан тухайн үеийн Монголын тухай дурсан ярьдаг байсан.
Тиймээс Стивен Сигал өөрийгөө Монгол цусны хүн хэмээн ярьж байсан удаатай гэдэг.
Эхнэр Б.Эрдэнэтуяа нь Дорноговь аймагт төрсөн. Хүүхэд байхаасаа бүжиглэдэг, авьяаслаг охин байжээ. Хотод ирээд Монголын хүүхдийн ордны бүжгийн дугуйланд суралцаж олон арван тэмцээнээс шагнал хүртэж байсан удаатай. Б.Эрдэнэтуяа цэнгээнт бүжгийн шилдэг бүжигчин. Олон тэмцээнд аваргалж байв. Мөн тэрээр Монголын сайхан бүсгүйчүүдийн нэг юм.
Б.Эрдэнэтуяа 2002 онд МУИС-ийн Олон улсын харил-цааны ангийг япон хэлний орчуулагчаар төгсчээ. Б.Эрдэнэтуяа шүлэг бичих авьяастай. Бичсэн шүлгүүдээ “Нүүр ном”-доо байнга тавьдаг сайхан бүсгүйчүүдийн нэг.
Саяхан Б.Эрдэнэтуя Монголдоо ирсэн гэх мэдээлэл байна. Гэхдээ тэрбээр энэ удаад нөхрөөсөө салаад ирсэн ажээ. ОХУ-ын цахим хуудсанд мэдээлснээр 68 настай Стивен Сигал эхнэрээ араар нь тавьж, Дубай руу явсан аж.
Тиймээс хосуудын харилцаанд сэв сууж улмаар Б.Эрдэнэтуяа нөхрөө Москва хотноо “үлдээж” ганцаараа нутаг буцсан гэжээ.
