Манай ХҮҮК, ЕӨК хоёр З0 гэр бүлтэй тэмцэнэ гээгүй бил үү!
Тэмцэх байтугай тэдний залгамжлагчдыг толгой дээр минь залчихлаа!!!
.. Монголын нийт ард түмний өмч болох орд газруудыг луйвардаж, гадна дотныхонтой нийлж цөлмөсөн гэмт бүлэглэлийн амьдрал, ахуй Монголчуудаас хол тасарсан. Нийт ард түмний тэгш боломжийг хулгайлсан мөнгөөрөө хүүхдүүдээ гадаадад сургаж, гадаадад үнэтэй газар эдлэн худалдаж авч, мөнгөө оффшорт нуужээ. Харин сорж мөлжиж уурхай нь Монголд учраас эндээ амьдрахдаа өөрсдөдөө зориулсан тансаг зочид буудал, ресторан, амралтын газрыг ч байгуулжээ. Тэнд нь жирийн хүн орох боломжгүй учир өөрсдийн ХҮРЭЭЛЭЛ бий болгоно. Тэр хүрээндээ хүүхдүүд нь хоорондоо эхнэр, нөхөр, найз нөхөд, ажил хэргийн хамтрагчид болжээ. Ээж аав нь төрд өндөр алба хашснаараа өөртөө давуу байдал олж авсныг мэдэж буй учир хүүхдүүд нь ТӨР лүү бүлэглэн дайрч байна. Ганц өдөр төрд алба хашиж үзээгүй байж сайд болж байна. Чинбатын Номинг хэлж байна.
Л. Оюун-Эрдэнийн ЗГ-ын гол хийх ажил Оюутолгойд Сү. Батболдын хийсэн луйврыг илрүүлсний үндсэн дээр Монголд ашиггүй гэрээг цуцлах.
Гэтэл түүний кабинетад Сү. Батболдын хүү Баттүшигийн үй зайгүй найз Чинбатын Номин оржээ. Энэ залуусын аавууд болох Сү. Батболд, Н.Нямтайшир, Чинбат нар бүгд орд газар ухаж, гадныханд лиценз наймаалцаж, хагартлаа баяжсан хүмүүс.
1. Б. Баттүшигийн аав Сү. Батболд Бороогийн ордын лицензийг Канадуудад өгч, Монголын татвараас хөнгөлөлт эдлүүлсний төлөө ганцхан өөрөө их хэмжээний хувь хүртсэн. Дараа нь Тавантолгой, Оюутолгой, Эрдэнэт … том орд бүхнээс ашиг олж чадсан. Одоо оффшор хөрөнгө нь илрээд орох газраа олохгүй тэвдэж явна . Түүний том хүү Б. Баттүшиг алтны магнат Н. Нямтайширын охин Н. Цэлмүүнтэй суусан
2. Б.Баттүшигийн хадам аав Н.Нямтайшир нь улсын нууцад ойрхон ажиллаж байсан давуу талаа ашиглан улсын төсвөөр хайгуул хийж нөөц тогтоосон томоохон ордуудыг хувьдаа авсан. Түүний “Мак” компани Монголд 21 ордын лиценз эзэмшиж байна. Эдгээрээс 2 нь Монгол улсын Стратегийн орд юм. Нарийнсухайтын ордоос нүүрс олборлож байгаа бол Цагаансуваргын ордыг мөн л хувьдаа авсан билээ.
3. Б. Баттүшигийн найз Соёлын сайд Ч. Номингийн аав Чинбат нь Ноён уулын Гачууртын амнаас алт ухаж хөрөнгөжсөн. Дараа нь Гачууртын лицензийг Канадын “Сентера гоулд”-д өгснийхөө төлөө тус ордоос олборлосон алтны нийт борлуулалтаас тодорхой хувийг Чинбатын гэр бүл авах гэрээтэй юм билээ.
30 гэр бүл мөнгөөр бүхнийг худалдаж авч одоо төрөөр дамжуулан биднийг захирах юм биз дээ!
Ард түмнийг өөрсдөдтэй нь адил эгэл жирийн нэгэн удирдахаас биш та нар шиг тасарсан хүмүүс удирддаггүй юм аа!!!
Зураг: Сү. Батболдын хүү Б. Баттүшиг болон Соёлын сайд Чинбатын Номин нарын гэр бүлийн салшгүй түүхүүд. Далайн эргийн амралт, дотоодын хамгийн тансаг хүлээн авалт дээр дандаа хамт!!!
Сэтгүүлч Б.Отгон 2021.02.03
