МҮОНТ оюуны өмч зөрчжээ
Монголчууд бид оюуны өмч зохиогчийн эрхийг хэзээ дээдэлж, хүндэтгэж сурах вэ. Хамгийн ихээр оюуны өмч, зохиогчийн эрхийг хүндэтгэх ёстой Монголын үндэсний олон нийтийн телевиз цагаан сарын үеэр бэлдсэн нэвтрүүлэгтээ монгол болон гадаадын олон уран бүтээлч, гэрэл зурагчин, аялагчдын видео бичлэг, уран бүтээлийг шууд татаж авч тамгыг нь кроплон ашиглажээ.
Энэ тухай гэрэл зурагчин Эрдэнэбулган өөрийн цахим хуудсандаа:
“Монголын Үндэсний Телевиз өөрсдийн дураар олон нийтийн сүлжээнээс Монгол болон гадаадын олон уран бүтээлч, гэрэл зурагчин, аялагчдын видео бичлэг, уран бүтээлийг шууд татаж авч тамгыг нь кроплоод Цагаан сарын нэвтрүүлэгтээ их хэмжээгээр ашиглан Оюуны өмчийг ноцтойгоор зөрчив.
Монгол улс хуультай, зарчимтай, олон улсад хүлээх үүрэгтэй улс шүү. Хуучин цаг шиг google ухаад дуртай юмаа хэрэглэдэг цаг өнгөрсөн шүү. Томоохон компаниуд хүртэл гүйцэтгэгчийн буруугаас болж оюуны өмчийн хууль зөрчсөн асуудалд орж өндөр торгууль, нөхөн олговороо төлдөг шүү.
Олон жилийн туршлага, олон саяын хөрөнгө, олон мянган км зам, олон саад бэрхшээл эрсдэл үүрч олон газраар явж гэрэл зураг видео бичлэгийг бид хийдэг. Бидний амьралаа авч явдаг гол ажил. Дэлгүүрт ороод талх аваад мөнгийг нь төлөхгүй шууд гараад явбал хулгайн хэрэгт орж эрүүгийн хэрэгт ч ордог хуультай. Хуулийн өмнө бүгд эрх тэгш шүү!!
Заавал хариуцлага тооцуулна” гэжээ.
Монголд оюуны өмч,зохиогчийн эрхийг удаа дараа зөрчсөн энэ асуудал хэрхэн шийдэгдсэнг бид эргэн мэдээллэх болно оо.
