Өнгөрсөн 2020 оны УИХ-ын сонгуулийн санал хураалтын өмнөхөн Өмнөговь аймгаас нийслэл рүү ирж явахдаа осол гаргаж, улмаар хоёр сэтгүүлч амиа алдсан харамсалтай хэрэг гарсан.
Уг хэргийн эзнээр яруу найрагч Б.Галсансүх “тодорч” шүүх цагдаагийн хаалга үүд багагүй хугацаанд сахиж, “аав”-ынд хүртэл хэсэг хоригдсон. Тэр цагаас хойш олны нүднээс нуугдаж амьдрах болсон тэрбээр “Poetry nigth vol3” яруу найргийн үдэшлэгт саатаж, шүлгээ уншсаныг манай сайтын папараци дурандаа буулгалаа.
Тэрбээр “Болор цом”-ын тайзнаас “Бурхан битгий хуц” хэмээн хэлсэн “танхай” нөхөр. Тэр шүлгээрээ 2006 оны “Болор цом”-ыг авсан ч “Тэрслүү байх гээд ядчихсан…” зэрэг шүүмжлэл хэсэгтээ л өрнөсөн. Харин Ардын уран зохиолч П.Бадарч “Бурхан битгий хуц гэж байгаа хүнийг яруу найрагч гэхгүй яах юм бэ” гэж өмөөрч билээ. “Болор цом”-ын эзэн болох хүртэлх замд тэр айраг, аман хүзүүнд багтаж байв. 2005 онд яруу найрагч Ж.Мөнхбаттай үзүүр, түрүүнд үлдэж байлаа. Бас “Болор цом шиг хэрэггүй юм алга гэсэн ярилцлага өгч шүүмжилж явсан ч удаатай. Гэхдээ цаг үе, нийгэм, улс төрийн нөхцөл байдал, монгол хэл цаашид байх уу, үгүй юу гэдэг асуудалд сэтгэл зовниж “Монголын радио хятадаар мэндчилэхэд би үхнэ” гэж шүлэглэсэн нь бий.
