Өөр ямар ч сайтад байдаггүй “Харьцуулалт” буланг манай сайт та бүхэнд хүргээд удаж байгаа билээ.
“Харьцуулалт” булангаараа нэг уран бүтээлийг уран бүтээлчид өөр өөрсдийнхөөрөө хэрхэн амьдруулсанг нэг дороос үзэх боломжыг олгодог бөгөөд тухайн дууны мэдээллийг бид хүргэдэг. Энэ удаад бид “Хайртай цастай” дууг онцлож байна.
Хөнгөн будрах цасан ширхгийг ажиглан, сайхан дуу сонсох хэчнээн таатай. Яг л энэ үед н.Хансүндэрийн шүлэг, н.Анхбаярын хөгжим “Хайртай цастай” дуу эгшиглэдэг. Уг дууг “Л.Балхжавын дууг хэн сайн дуулах вэ” тэмцээнээс урлагийн гараагаа эхэлсэн Бобо буюу Б.Мөнхтогтох дуулж олонд хүргэсэн. Түүнийг “Поп дуучин Бобо” гэдгээр нь хүмүүс андахгүй ээ.
Дуучид дуугаа сольж дуулах хэв маягийг анх эхлүүлсэн гэж болох нэвтрүүлэг бол SBN телевизийн “VS” нэвтрүүлэг юм. Хоёр гурван улирал дараалж явсан нэвтрүүлэг тодорхой шалтгааны улмаас хойшлогдсон. Харин “Миний нандин”, “Учралын намар”, “Шөнийн бороо” зэрэг уран бүтээлээрээ нийтийн дууны ертөнцөд өөрийн гэсэн байр суурийг эзэлсэн дуучин Г.Дэлгэрцогт өөрийн дуулсан “Хайртай цастай” дууг олон нийтэд сошиал хуудсаараа дамжуулан цацлаа. Тэрээр “Нийтийн дуу Рок поп” шоу нэвтрүүлэг 3 жилийн өмнө гарч байсныг та бүхэн тодхон санаж байгаа биз ээ. тус нэвтрүүлэгт Поп дуучин Бобо бид 2 дуугаа сольж дуулахаар болж “Хайртай цастай” дууг нь би дуулсан байдаг юм аа. Олон хоногийн цаг зав хөдөлмөрөө зориулсан мөн VS нэвтрүүлэг хүндэтгэх шалтгааны улмаас гарахгүй болсон учир энэхүү дууг та бүхэндээ хүргэе.
Гадаа цас хаялсан энэ л өдрүүдэд сонсох “Хайртай цастай” дууг Поп дуучин Бобо, Дуучин Г.Дэлгэрцогтын хэн нь илүү дуулсанг та бүхэн дор бүрнээ тунгаах биз ээ.
