Дуучин Г.Эрдэнэтунгалаг 3 сарын хугацаанд 12 кг жин хаяжээ

Нийтийн дууны урлагт өөрийн содон, цар хүрээ сайтай хоолойгоороо танигдсан хүн бол дуучин Г.Эрдэнэтунгалаг. Өдгөө хоёр дахь амьдралаа зохиож, хоёр дахь хүүхдээ төрүүлээд байгаа тэрбээр өөрийн цахим хуудаснаа 3 сарын дотор 10-12 кг жин хассан гэдгээ бичжээ.
Тэрбээр “Би гэдэг хүн хүүгээ төрүүлэхдээ 97 кг болтлоо жин нэмэж амаржсан.Амаржаад 9 сартайгаасаа фитнессээр хичээллэж өнгөрсөн 3 сарын хугацаанд 10-12 кг хасаж чадсан” гэдгээ онцолсон байна.
Мөн нэгэн эрүүл мэнд, гоо сайхны эмнэлэгтэй хамтран бүдүүн гэдэсний цэвэрлэгээнд орсноо дуулгажээ. Бүдүүн гэдэсний нэг удаагийн цэвэрлэгээ хийлгээд нэг кг жин хаяж, тойргуудаасаа 6-8 см хассан гэдгээ мөн бичжээ.
Ямартаа ч, эрхэм дуучин бүсгүй маань жингийн төлөөх тэмцэлдээ ханцуй шамлан орсон бололтой. Дуучин бүсгүйн хувьд 2010 оны эхээр Б.Сэр-Одтой амраглаж, охинтой болж байсан. Хэвлэлээр сайн муугаараа дуудалцаж байсан тэд өдгөө хэн хэн тусдаа амьдрал зохиож, нам гүм амьдарч байна.