Эмэгтэй хүний нандин мэдрэмжээр хөглөгдсөн уран бүтээлүүд цөөнгүй байдаг. Тэдний нэг нь бол “Сэмхэн дурлал” уран бүтээл юм. Яруу найрагч, Болор цомын эзэн бүсгүй ертөнцийн гэгээн уянгыг түгээж яваа бүсгүй найрагч Баянмөнхийн Болорцэрэнгийн шүлэг, Ая зохиогч Б.Пүрэвсүрэнгийн хөгжим “Сэмхэн дурлал” дууг мэдэхгүй бүсгүй ховор биз ээ.
“Заамныхаа товчийг задгайхан тавих чинь
Залуухан харц минь халуудаад л байна уу даа хө
Зайгүйхэн сэтгэлээ нуугаад инээх чинь
Завсрын маань намайг өрөвдөөд л байна уу да хө
Зайгүйхэн сэтгэлээ нуугаад инээх чинь
Завсрын маань намайг өрөвдөөд л байна уу да хө” хэмээн айлгүйхэн дуулах дууг анх амилуулсан нь ӨМӨЗО-ны дуучин Н.Сахиа юм. Тэрээр уг уран бүтээлийг 2018 онд дуулж байжээ.
Дуучин Н.Сахиа “ Сэмхэн дурлал”
“Сэмхэн дурлал” дууг албан ёсны зөвшөөрөлтэйгээр дахин шинэ өнгө төрх, хэм хэмнэлтэйгээр дуулсан нь МУСТА, Э.Чулуунчимэг байлаа. Тэрээр 2021 онд шинэчилсэн найруулга, шинэ клиптэйгээр үзэгчдийн хүртээл болгосон билээ.
Дуучин Э.Чулуунчимэг “ Сэмхэн дурлал”
Гоо ялдам бүсгүйчүүдийн хэн нь “Сэмхэн дурлал” дууг сайн амилуулсанг мэргэн уншигч та бүхэн дор бүрнээ тунгаах биз ээ.
1 сэтгэгдэл
Сахиа хамаагүй илүү шдээ Юугаа ч асуугаад байдгын хахаха