Хүний хорвоод хослон амьдрах жамтай ч. Хамт байх тавилангүй хүмүүс гэж бас байх. Тэр л үйл явдлын гэрч гэлтэй харууссан санагалзсан өнгө аястай дуу уран бүтээлүүд ч бас бий. Үүний нэг нь “Зүүдэлж жаргах амраг” дуу юм. Дууны шүлгийг Монгол Улсын Төрийн соёрхолт, Соёлын Гавьяат зүтгэлтэн, яруу найрагч Ц.Бавуудорж, хөгжмийг н.Гэрэлсайхан бичжээ.
Уг уран бүтээлийг анхлан АЖ С.Батсүх, МУГЖ Х. Оюунцэцэг нар амилуулжээ. Гэвч нилээн эртний дуу учир youtube хуудсанд байдаггүй юм байна. Бид цаашид ховор бичлэгүүдийг олж оруулах тал дээр анхааран ажиллах болно оо.
Хослон дуулах дуучдын үргэлжлэл болж энэ дууг амилуулсан уран бүтээлчид бол А.Хосбаяр, Ч.Алтантүлхүүр нар юм. Тэд хослон дуулсан анхны уран бүтээл. бол “Малчин түмний” тодотголт дуучин Чантуугийн Алтантүлхүүр, “Гүйгүүл морины” А.Хосбаяр нар “Зүүдэлж жаргах амраг” дууг ийнхүү амилуулжээ.
https://youtu.be/S3gOBiMbhq8?si=B0GoZnj30XoBy8hB
Дууг анхлан дуулсан АЖ С.Батсүх, шинэчлэн дуулсан Ч.Алтантүлхүүр нар “Зүүдэлж жаргах амраг” дууг хослон дуулсан байдаг. Анхлан дуулсан, шинэчлэн дуулсан эрхэмүүд дууг ийнхүү амилуулжээ.
https://youtu.be/_pCV5sPgxsM?si=Nt6eGZuBSQRkL_sM
Энэ удаагийн “Харьцуулалт” булангаар “Зүүдэлж жаргах амраг” дууг онцоллоо. Уг уран бүтээлийг хэн сайн амилуулсанг та бүхэн дор бүрнээ тунгаах буй за.
