Хань ижил гэдэг ханьсан жаргаж, хамтдаа зовохын нэр гэлтэй. Монголын дууны ертөнцөд ханиа магтан дуулсан уран бүтээл цөөнгүй бий. Түүний нэг нь Төрийн соёрхолт, хөдөлмөрийн баатар, ардын уран зохиолч Дэндэвийн Пүрэвдоржийн шүлэг, Монгол улсын гавъяат жүжигчин Нанзадын Чулуунхүүгийн хөгжим “Насны хань” дуу юм. Энэхүү уран бүтээлийг хамгийн анх монголын ард түмэнд хүргэсэн дуучин нь ая зохиогч, дуучин Самдангийн Цэрэнчимэд байлаа. Түүний дуулсан хувилбар өдгөө МҮОНР-ийн алтан фондод хадгалагдан үлдсэн байдаг.
Наяад оны сүүл үед түмэнд түгж байсан уг уран бүтээлийг дахин амьдруулан түүчээлсэн уран бүтээлч бол Андбаатарын Мөнхбат билээ. Адууны Мөнхбат гэгдэж ард олноо хайрлагдах тэрээр 2006 онд тэрээр дуулж амьдруулжээ.
Дуучин А.Мөнхбат “Насны хань”
Залуу уран бүтээлчдийн хувьд хуучны дууг дуулна гэдэг цоо шинэ дууг дуулахаас ч хэцүүхэн даваа гэгддэг. Энэхүү давааг “Насны хань” дуугаар давсан дуучин бол Жанцансамбуугийн Шагдар. Тэрээр “Насны хань” дууг 2017 онд шинэчлэн дуулж, түмэн олноо хүргэжээ. Уран бүтээлчид дотроо зүтгэл, сэтгэлээрээ хүндлэгддэг тэрээр тун удахгүй анхны бие даасан тоглолтоо толиулахаар тун завгүй яваа гэнэ.
Дуучин Ж.Шагдар “Насны хань”
Үе үеийн дуучдын төдийгүй ард түмний дуулах дуртай “Насны хань” дууг хэн сайн амилуулсанг мэргэн уншигч та бүхэн дор бүрнээ тунгаах биз ээ.
