МАН-ын газрын дарга болон тус намын гишүүд хоорондоо маргалдаж, гудамжинд зодолдсон хэргийн талаар бид өмнө нь мэдээлсэн. Тодруулбал, МАН-ын Цахим хөгжил, инновацын газрын дарга Н.Жавхлан Солонгос улсын элчин сайдын гадна талбайд намынхаа нэр бүхий хүмүүстэй маргалдан улмаар зодолдсон хэрэг 2025.03.11-ны өдрийн орой болсон байна.
Бид энэ хэргийн талаар Н.Жавхлангаас тодруулахад хэргийг цагдаагийн байгууллагаас шалгаж байгаа. Нууцын баталгаанд гарын үсэг зурсан болохоор ярих боломжгүй байна. Харин энэ хэргийн талаар мэдээлэх юм бол хуулийн байгууллагад хандах болно гэсэн юм. Цагдаагийн байгууллагаас энэ хэргийн талаар тодруулахад тухайн хэргийг Хан-Уул дүүргийн цагдаагийн нэгдүгээр хэлтэст шалгаж байгаа. Цагдаагийн 102 дугаарт энэ хэргийн дуудлага 2025.03.11-ны өдөр ирсэн гэв.
Тэгвэл уг зодоонд хоёр хүн оролцсон бөгөөд харилцан зодоон байсан уу? Нэг нь зодуулсан уу гэдгээ тогтоолгохоор шүүх эмнэлэгт хандса байна.
Улмаар зодоонд оролцогчдын нэгд нь гэмтлийн зэрэг гарсан бол нөгөөд нь гэмтлийн зэрэг гараагүй аж.
Өөрөөр хэлбэл зодоонд оролцсон хоёр хүний нэг нт эрүүгийн хуулийн хариуцлага хүлээж , ял авах нь тодорхой болж байгаа юм. Харин зодоонд оролцсон хүмүүстээ МАН ямар хариуцлага хүлээлгэх нь одоогоор тодорхойгүй байна.
Н.Жавхлан нь 2024 оны УИХ-ын сонгуульд МАН-ын листэд жагссан хүн юм. Бид энэ хэргийн талаар эргэж мэдээлэх болно.
