Ерөнхий сайд Н.Учрал бүрэн эрхийнхээ хүрээнд Улаанбаатар хотын захирагч Х.Нямбаатарыг үүрэгт ажлаас нь чөлөөлсөн билээ.
Тиймээс өнөөдөр /2026.05.18/ Б.Энхбаяр тэргүүтэй Засгийн газрын төлөөлөл Х.Нямбаатарын ажлыг нь хүлээлцэхээр хотын захиргаанд ажиллав.
Дараагийн хотын даргыг томилох хүртэл Хотын нэгдүгээр орлогч Б.Мөнхбатыг түр орлон гүйцэтгэгчээр томилж, түүнд тамгыг гардуулсан юм.
Тамга гардуулах үеэр Х.Нямбаатар өөрөө байгаагүй бөгөөд “Намайг байхгүйд гардуулчихаа” хэмээн Б.Энхбаярт хэлсэн тул түүний хэлсэн ёсоор болгожээ.
Хотын дараагийн даргыг 14 хоногт багтаан томилох бөгөөд бид энэ талаар эргэж мэдээлэх болно.
