Загварын тайзнаа гунхаж багагүй хугацааг өнгөрөөсөн ч “Никитон” хамтлагийн дуучин, МУГЖ Б.Батчулуунтай ханилан маш хурдан олонд танигдсан хүн бол загвар өмсөгч Т.Энхтуяа.
Өөрөөсөө арав гаруй насаар ах, дуучин нөхөртөө ойролцоо насны хүү, охин хоёр төрүүлж өгсөн тэрбээр үнэтэй бэлэг, тансаг амьдралаа харин ч нэг гайхуулж явсан үе бий.
Чөлөөт цагаараа загвар өмсч, арлын оронд зугаалдаг түүнд нөхөр нь үнэт чулуугаар өвч бүрсэн гоёлын даашинз, хамгийн сүүлийн үеийн загварын гар утас, үнэт эдлэл, брэндийн хувцас гээд өөрт байгаа бүхнээ зориулан унаж тусталаа дурлаж явсныг олон хүн мэднэ. Залуухан эхнэрээ “Олон жил хайсан ганц хүн минь” хэмээн зарлан тунхаглаж байсан Баачка нэг л өдөр нүүр буруулаад одсон доо.
Эр нөхөр нь олны танил, мөн л хоёр хүүхэдтэй бүсгүйг дагаж одсоны дараа загвар өмсөгч Т.Энхтуяа чамгүй шаналж ганцаардсан ч саяхнаас өөрийн гэсэн бизнестэй болоод авчээ. Тэрбээр эрүүл мэнд, гоо сайхны чиглэлээр бараа бүтээгдэхүүн оруулж ирдэг томоохон байгууллагатай хамтарч ажиллан өөрийн нэр нөлөө, хүрээллийг ашиглах болсон байна.
Мөн нөхөртэйгээ хамт байхдаа олны өмнө бараг ил гаргадаггүй байсан хүү, охин хоёроо албан ёсоор танилцуулж, эрх дураараа амьдарч байгаа ажээ.
