Дэлхийн алдарт “Форрест Гамп” киноны монгол дүрээр жүжигчин Барслхагва тодорчээ. Царай төрхийн хувьд тун төстэй тэрээр өөрийн цахим хуудаснаа энэхүү гэрэл зургийг нийтлэсэн байна.
Форрест Гамп нь 1986 онд бичигдсэн Винстон Грүүмийн ижил нэртэй туужаас сэдэвлэн бүтээгдэж, 1994 онд дэлгэцэнд гарсан инээдэмт, драмын кино юм. Тус кино нь маш их амжилт олсон бөгөөд дэлхий даяар 677 сая гаруй америк долларын орлого олж, тухайн жилийн Хойд Америкийн хамгийн их орлого олсон киногоор шалгарч байв. Мөн Оскарын шагналын 13 төрөлд нэр дэвшиж, шилдэг кино, шилдэг визуал эффект, шилдэг найруулагч Роберт Земекис, шилдэг эрэгтэй жүжигчин Том Хэнкс нар 6 төрөлд Оскарын шагнал хүртсэн түүхтэй.
Америкийн Киноны Нийгэмлэг сүүлийн 100 жилийн шилдэг 100 киноны 71-д Форрест Гампыг жагсаасан байдаг.
