Төрийн шагналт, соёлын гавьяат зүтгэлтэн зохиолч, яруу найрагч Пүрэвжавын Пүрэвсүрэн, Урлагийн гавьяат зүтгэлтэн Ч.Сангидорж хоёр бол Хонгор нутгаас төрсөн авьяас билэг төгөлдөр уран бүтээлчид билээ.
Нэгэнтээ энэ хоёр эрхэм ам жаахан муруйж хэн хэндээ тунирхан хэдэн оныг үджээ. “Зулай цагаан Алтай”, “Монгол далай” зэрэг олон сайхан уран бүтээлээрээ олон түмэнд танигдсан Сангидорж “банхар” Пүүжээгээсээ жаахан эмээсхийж явахдаа нэг сайхан аялгуу зохион ноотолсноо үзүүлж, төгөлдөр хууран дээр тоглож сонсгожээ. П.Пүрэвсүрэн мөнөөх аялгууг сонсож, сэтгэлин таглаа ханзлан суухдаа “Найзад нь наадахад чинь таарчихмаар ийм шүлэг байна” хэмээн “Миний ээж тэмээчин” дууны шүлгээ өгсөн гэдэг. Тийм учраас “Миний ээж тэмээчин” дуу үнэнч нөхөрлөлийн бэлгэдэл болно үлджээ.
Бид энэ удаа “Миний ээж тэмээчин” дууг онцлохоор шийдлээ.
Хамгийн анх МУСТА, Анагаах ухааны доктор, эмч Г.Сарантуяа 1982 онд дуулж олон түмэнд хүргэсэн. Хүмүүс түүнийг МУГЖ Б.Сарантуяатай андуурах нь ч бий.
Харин түүний дараа МУСТА, Дуучин Э.Оюумаа дуулсан байдаг.
Уг дууг үе үеийн төлөөлүүд дуулж олон түмэн хүргэсээр л байна. Үүний тод жишээ бол дуучин Д.Отгонжаргал байлаа. Хүн бүрийн сэтгэлд уяатай явдаг энэ дууг шинэчлэн дуулж, клипжүүлсэн. ACE энтертайнментийн хамт олны бүтээсэн дууны клипэнд АЖ. П.Цэрэндагва, АЖ. Д.Мэндбаяр, “Miss World 2016” тэмцээний шилдэг 11 оролцогчийн нэг Мисс, жүжигчин А.Баярцэцэг нар тогложээ. “Миний ээж тэмээчин” дууны клипыг киноны нээлтийн дайтай нийлж шинэ жишиг тогтоосон байдаг.
https://youtu.be/N8mWZdsNm4s
Б.Мөнхжаргал
2 сэтгэгдэл
Сарантуяа сайхан дуулсан Мэргэжлийн дуучин биш ч төрөлхийн онцгой авьяастай. Хүүхэд байхаасаа л дуулсан. Цогзолмаа багшийн охин. Эгчтэйгээ миний аав адуучин гээд гоё дуулдаг байлаа
Отгонжаргал ч сайхан дуулсан Мэргэжлийн өндөр түвшинд гайхалтай сайхан дуулсан Клип нь их гоё болсон