Дуучин Ч.Цэлмүүнийг UBS телевизээс зохион байгуулдаг “Universe Best Songs” нэвтрүүлгийн анхны ялагч гэдгээр хүмүүс сайн мэднэ. Өдгөө 29 настай тэрээр алс холын арлын оронд хоёрдахь амьдралаа монгол залуутай эхлүүлсэн.
“Universe best songs” тэмцээний анхны Гранпри шагналын эзэн тэрээр ээждээ төрсөн өдрийн мэнд хүргэжээ. Түүний ээжийг Ариунтуул гэдэг. УИХ-ын гишүүн асан Баярсайханы төрсөн эгч юм. Өдгөө 50 насыг зооглосон Ариунтуул бүсгүй үеийнхнээсээ 10 насаар залуу харагддаг.
Дуучин Ч.Цэлмүүнийг ээж нь багаас нь боловсролд нь анхаарсан байдаг.
2008 онд “Монголын Оюутны Мисс” болоход нь ээж нь хамгийн их дэмжиж байсныг Ч.Цэлмүүн хэлдэг.
Ч.Цэлмүүний аав нь христийн сүмд номлогч хийдэг. Тиймээс БНСУ-ын 100 хувь хөрөнгө оруулалттай “Эм Ай Ю” сургуулийг Биотехнологи, хүнс судлаач мэргэжлээр төгссөн.
Тэрээр мэргэжлийнхээ тухай ярихдаа “Шинжлэх ухаан гэдэг маань амьдралыг судалдаг. Амьдрал гэж юу юм бэ, яах гэж амьдрал байна вэ, би яах гэж төрсөн юм, бид юуны төлөө амьдарч байгаа юм гээд л тэр бүх нууцуудыг харж эхэлдэг болов уу. Би анхандаа эмээж байсан. Учир нь энэ мэргэжлээр явснаар цаашид эрдэмтэн болохдоо бэлтгэж байна гэсэн үг. Нэгдүгээр курст хими, биологи, физик, математик зэрэг хүнд хичээлүүд үзэх үнэхээр хэцүү байсан шүү. Одоо бол би мэргэжлээ их зөв сонгожээ гэж бодож байна” гэжээ.
Дуучин бүсгүй АШУҮИС-д орчны эрүүл мэнд сэдвээр магистраа хамгаалж, саяхан Японы Тохоку Их Сургуульд докторын зэргээ хамгаалсан юм.
Тэрбээр 2012 онд Н.Алтанхайрхан гэх залуутай хуримаа хийж хөөрхөн хүүтэй болсон ч тэдний хамтын амьдрал удаан үргэлжлээгүй.
Харин дуучин бүсгүй уран бүтээл болон хувийн амьдралаа ганцаар зохицуулж ирсэн. Тэрээр сүүлд С.Ангараг хэмээх залуутай гэрлэж байгаагаа албан ёсоор зарласан. Удаан хугацаанд найз нөхдийн холбоотой байсан тэд одоо Япон улсад ажиллаж, амьдарч байгаа. Түүний найз залуу С.Ангараг нь Монголын шигшээ багийг төлөөлж талбайн теннисний төрөлд Азийн наадамд оролцож байжээ.
Дуучин Ч.Цэлмүүн саяхнаас “TSELMUUN Chinzorig” юүтүб сувгаараа влог хөтөлж эхэлжээ. Тэрээр влогоороо дамжуулан өөрийн амьдралын хэв маяг, залуучуудад хэрэгтэй зөвлөгөө, мэдээллийг түлхүү оруулдаг юм.
