Мөнхсэлэнгэ vs. Гангста Эмээ
Танилцана уу: зүүн талын зурган дээр байгаа нь Батхүүгийн Мөнхсэлэнгэ. Сурагч байхдаа улсын математик, физик, химийн олимпиадуудад тогтмол оролцдог байсан мундаг сурагчдын нэг. АУИС төгссөн хүний их эмч. 1997 онд Германд очиж суралцан, сэтгэлзүйчээр Берлинд мэргэжил дээшлүүлсэн.
4 хөөрхөн хүүхдийн ээж, том нь насанд хүрсэн. youtube-ээр Batkhuu Munkhtsetseg гээд хайвал сэтгэлзүйн зөвлөгөө өгөх чиглэлээр хийсэн влогууд нь гараад ирнэ.
Харин баруун талынх нь зураг бол Гангста эмээ… Сүүлийн үед сошиал орчныг “байлдан дагуулаад”, хэл амны бай болоод байгаа нөгөө эмээ мөн. Харамсалтай нь энэ хоёр бол нэг хүн юм.
Өвчин хэлж биш хийсч ирдэг гэж Монголын маш үнэн үг байх юм. 10 жилийн тэргүүний сурагч охин, сайн ээж, сайн ханийн биед 14-15 жилийн өмнөөс л сэтгэцийн өөрчлөлт илэрч эхэлсэн байна. Монголд, Германд эмчлүүлэх гэж зөндөө оролдсон боловч сэтгэцийн эмгэг бараг эмчлэгддэггүйг та бүхэн юу эс андахав. Герман улсад хүүхэд хамгааллын хууль маш хатуу, чанд учир хүүхдүүдийг нь хамгаалах үүднээс ээжийг хүүхдүүдээс нь тусдаа амьдруулах болсон юм байна. Гэхдээ ээж, аав хүүхдүүд тогтмол уулздаг, гадуур хамтдаа зугаалдаг, цагийг хамт өнгөрөөдөг.
Сенсаацтай сошиал одууд ихтэй өнөөгий нийгэмд бид ч юм юманд дасчээ. Харин энэ хүний пейж дээр байгаа видеонуудыг үзээд зүгээр нэг crazy Монгол биш байна, нэг учир байна гэж бодон, тэр шөнөдөө энэ хүнийг яагаад ч юм маш их өрөвдөв. Харин youtube дээр байгаа цуврал видеонуудыг нь маргааш нь үзээд Мөнхсэлэнгэ нь маш хүнд өвчтэй юм байна гэж таамаглалаа.
Миний хамгийн их эмзэглэсэн зүйл бол видеонуудых нь доор байх комментууд….
Ээж шигээ хүнийг, ер нь харваас эрүүл мэндийн асуудал байгаа нь тодорхой байхад хүмүүс ямар муухайгаар хэлдэг юм бэ. Яаж ч бодсон эрүүл хүн ингэж авирлахгүй мэдсээр л байж эрүүл хүн зориуд ингээд байгаа мэт л “эмээг” харааж зүхэсэн байх юм. Энэ хүн насанд хүрсэн хүүхдүүдтэй, эцэг эхтэй хүн шүү дээ. Өвчтэй ээжийгээ, охиноо яая гэж байхад бүх нийтээрээ нийлж доромжилж буйг унших ямар хэцүү байдаг болоо…
Сонсож байгаа хөгжим, тавьж байгаа дуунууд нь дандаа Монгол дуу…. дандаа л Монголоо ярина…Мэдээж эх нутгаа, энд байгаа ах дүүгээ санаж байгаа нь гарцаагүй. Гагцхүү эрүүл мэндийн үйлчилгээ сайтай, дээрээс нь нөхөр хүүхдүүд нь хажууд нь байгаа учир Германдаа байх нь энэ хүний хувьд зөв сонголт байх гэж таамаглаж байна. Тэхлээр “энэ хүнийг гэрт нь авчраачээ” гээд “санаа зовоод” байгаа хүмүүст “тэндээ байсан нь дээрээ” гээд өмнөөс нь хариулчья.
Харин бид Мөнхсэлэнгэ-д яаж тусалж чадах вэ? Бид түүнд маш сайхан сошиал хүрээлэл үүсгэж, түүнд өдөр болгон сайхан үг хэлж, хайрлаж, хүндэтгэж, хүүхэдтэй харьцаж буй мэт “тэнэг” үйлдэл хийвэл өршөөж, харин “хөөрхөн” байгаад байвал өхөөрдөн магтаж, Мөнхсэлэнгэ-ийн урт өдрүүдийг таатай болгож, сошиал-д өнгөрүүлэх цагийг нь жаргалтай болгож чадна.
Бүгдээрээ энэ пост-ыг уншсаныхаа дараа Munkhselege Batkhuu, Гангста Эмээ пейж руу нь орж, урмын сайхан үгс бичиж, “бид чамтай хамт, чи эмээ биш, харин ч сайхан биетэй, авьяастай хөөрхөн бүсгүй”, бид нарт чиний дуулж бүжиглэх таалагддаг” гэх зэргээр өдрийг нь сайхан болгож өгцгөөе. Эерэг л юм бичээд байвал уурлах, муухай аашлах нь багасч, магадгүй эрүүл байх өдрүүд нь олширч, өвчин нь илрэх өдрүүд цөөрөх ч юм билүү…. Нэг ч гэсэн хүнийг жаргалтай болгож байгаадаа бид ч өөрсдөө жаргалтай болдог биз дээ тиймээ
P.S. Энэ постыг зурагтай нь нийтлэх зөвшөөрөл ойр дотны хүмүүсээс нь авсан болно.
Enkhjargal Natsagdorj
