МАК-ийн Ерөнхийлөгч буюу Гүйцэтгэх захирал Н.Цэлмүүн ажилдаа оржээ. Энэ тухайгаа “Амаргүй ч ажилдаа дуртай” хэмээн бичжээ.
Түүний хувьд анхны амьдралаа Цолмон гэх залуутай эхлүүлж, хүүтэй болсон. Хүү нь өдгөө ноён Б.Нямтайшир өвөө, Хулан эмээ хоёртойгоо амьдардаг бөгөөд энэ жил 14 настай. Хоёрдахь амьдралаа УИХ-ын гишүүн С.Батболдын том хүү Б.Баттүшигтэй 2017 онд эхлүүлж, нижгэр хурим хийсэн. Түүнээсээ хойш хоёр ойрхон хүүхэд төрүүлсэн.
Н.Цэлмүүн бага насныхаа тухай дурсахдаа “Хүүхэд насаа ахтайгаа л хамт өнгөрүүлсэн. Манайх хамаатан садан цөөн болохоор аав ээжийг ажилтай үед ахтайгаа л хамт байна. Ах намайг харж хамгаална, хооллож ундална, бүр найзуудтайгаа уулзахдаа ч үргэлж дагуулж явна. Би ч сүүдэр шиг нь л дагана. Дагуулж явахгүй бол ээж ааваар хэлүүлж байгаад дагаад явчихна гээч.
Намайг 16 настай байхад ах “миний дүү угаасаа одоо удахгүй өөрийн найз нөхөд гээд л уулзаж учирна, тийм болохоор энэ дарсыг ав” гэж билээ (инээв). Сүүлд бодоод байхад дүү охин нь энд тэнд хүмүүсийн нөлөөнд орчих вий, өөрийгөө хянаж сураг гэсэндээ хэтрүүлэлгүй хэрэглэхийг сургаж байж.
Намайг 6 настай байх үед Монгол улс чөлөөт эдийн засагтай болж аав ээж маань бизнесийн гараагаа эхэлсэн. Тиймээс зуны амралтаа уурхай дээр уурхайн ажилчдын хүүхдүүдтэй тоглож өнгөрөөдөг байлаа.
Одоо эргээд бодоход бид гурав ээж аавынхаа хөдөлмөрч зан чанарыг харж хүмүүжсэн юм байна лээ” гэж байв.
