Манай улс хоёр жилийн турш ковид-19 цар тахалтай тэмцэж байгаа ч төдийлөн үр дүнгүй байгаа. Тодруулбал өнөөдрийн /2021.10.05/ байдлаар 314.601 хүн халдвар авч 293.597 нь эдгэрсэн бол 1362 нас баралт бүртгэгджээ.
Ийн учир иргэдийг олноор цуглахгүй байхыг Засгийн газар болон холбогдох байгууллагууд анхааруулсаар байтал МАН-ынханд хамаагүй бололтой.
Цар тахлын халдвар харанга дэлдэж мөн нөхөн сонгууль явагдаж байгаа энэ үед СХД-ийн 22 дугаар хорооныхон МАН-ын 100 жилийн ойг Тэрэлж Буман тур амралтын газар тэмдэглэж, наргиж, цэнгэснээ “гайхуулан” олон нийтийн цахим сүлжээнд нийтэлжээ. Ийнхүү цар тахлын үеийн дүрэм, журмыг зөрчиж олноороо тэмдэглэлт ойн баяр тэмдэглэсэн хорооныхондоо МАН хариуцлага тооцох уу эсвэл манай намын 100 жилийн ой учир Засгийн газар, УОК-ын шийдвэр, дүрэм, журам хамаагүй гээд толгойг нь илээд өнгөрөх үү?
Check.mn
