Салбар салбарын олноос онцгойрч буй олны танил залуусыг танилцуулж байна. Тэдний хувьд өөрийн авъяас, ур ухаан, амбиц карьераараа олноос онцгойрч олонд танигдсан гэдгийг дурьдах нь зүйтэй болов уу.
Уран нугараач нугараач Э.Лхагва-Очир
Узбекистаны нийслэл Ташкент хотод бодибилдинг, фитнессийн Дэлхийн аварга шалгаруулах тэмцээнээс уран нугараач Э.Лхагва-Очир насанд хүрэгчдийн ангилалд алтан медаль хүртэж, төрийн дуулалаа эгшиглүүллээ. Түүний хувьд циркийн тайзнаа уран нугаралтын үзүүлбэр үзүүлдэг гарын таван хураанд багтах эрэгтэй уран нугараачдын нэг.
Дуурийн дуучин Г.Ариунбаатар
“Чингис хаан” одонт, дуурийн дуучин Г.Ариунбаатар ОХУ-ын Батлан хамгаалах яамнаас жил бүр зохион байгуулдаг гала тоглолтод оролцож, “Амьдрал чамд хайртай” дууг дуулсан. Өдгөө дэлхийн алдарт Марийнскийн театрт дуулдаг түүнийг ОХУ-ын Батлан Хамгаалах Яамны “Гавьяаны төлөө” медалиар шагнасан юм.
Дуучин Г.Ариунбаатар 2017 онд “BBC Cardiff Singer of the World” дэлхийн дуурийн дуучдын уралдаанд Хөдөлмөрийн баатар Б.Шарав агсны хөгжим “Монголын тал” дууг дуулж, дэлхийд үнэлэгдсэн билээ. Тухайн үед багшийнхаа амилуулсан дууг дэлхийн тайзнаа эгшиглүүлж, шүүгчдээс өндөр үнэлгээ авч, шилдэг таван дуучны нэгээр шалгарч байсан удаатай. Өнгөрсөн 2018 онд “Авьяаслаг монголчууд” шоуны шүүгчээр ажиллаж, үзэгч түмэнтэйгээ телевизээр уулзаж байв.
Дуучин Э.Дашням
“Авъяаслаг монголчууд” шоугаараа олонд танигдаж байсан Э.Дашням сүүлийн үед “Хурд” хамтлагийнхантай хамтран уран бүтээл хийх болсон. Тэрээр тус хамтлагийн “Бүсгүй” дууг шинэчлэн дуулж, клипжүүлсэн нь олны талархалыг хүлээж, дахин энэ дууг хит уран бүтээл болгож чадсан. Өдгөө 28 настай тэрээр гэр бүлтэй болж амжаагүй.
“форекс” О.Мөнхжин
Дэлхийн цахим вальютын бизнесээс хөлжсөн гэгддэг тэрбумтан “форекс” О.Мөнхжин өөрийн санаа нийлдэг найзуудтайгаа нийлж, IHC койн хэмээх цахим мөнгийг зах зээлд гаргасан нь тун амжилттай явж байна. Тэрээр энэхүү цахим мөнгөө дэлхийн зах зээлд гаргахаар гэрээ хэлэлцээр хийж өдгөө АНУ-д яваа. Уг цахим мөнгөө 3 мөнгөөр арилжаанд гаргасан бөгөөд дор хаяж 1 ам.долларт хүргэх зорилготой ажиллаж байгаагаа нуугаагүй.
УИХ-ын гишүүн Н.Учрал
УИХ-ын гишүүн Н.Учрал энэ цагийн хамгийн анхаарал татсан залуусийн нэг яахын аргагүй мөн. Өдгөө 36 настай тэрээр хоёр дахь удаагаа УИХ-д сонгогдож тэтгэвэрийн асуудлыг хамгийн их ярих болсон. Өөрөөр хэлбэл, насаараа нийгмийн даатгал төрсөн иргэн тэтгэвэрт гараад нас барлаа гэхэд түүний тэтгэвэрийг хань ижил, үр хүүхдэд нь өвлөн үлдээх хуулийг боловсруулж эхэлсэн. Түүний энэ үйл хэрэгт хөгшин залуугүй ам сайтай байгаа. Мөн тэрээр өнгөрсөн жил хүнд өвчний улмаас гадаадад эмчлүүлж, “нөгөө ертөнцийн хаалга татах”-аас наагуур өвдөхийн зовлон үзэж, өдгөө хөл дээрээ босон эх орондоо ирсэн учраас түүнийг хайрлан, энэрэх хүн олон.
