Сүүлийн үед залуус сахал тавих нь түгээмэл имиж болжээ. Монголын улс төр, урлаг соёлынхон ч сүүлийн үед сахал тавих моданд нэгдэж сахалаа янз бүрээр ургуулдаг болжээ. Гэвч тэдэнд зохихоос илүү царайг нь дарж, нас нэмж овортой харагдуулж байгааг энд онцлох нь зүйтэй.
Сахал тавьсан ч, тэр нь зохимжгүй харагдах олны танил хүмүүсийн гэрэл зургийг сонирхуулж байна.
Сонирхуулахад, Ютагийн их сургуулийн эрдэмтдийн судалснаар эрчүүдэд сахал ургах нь бидний хэзээ ч төсөөлж байгаагүй шалтгаан, үүрэгтэй аж.
Сахал эрчүүдийн эрүүг дагаж ургадаг. Харин эрүү бол тулааны үед хамгийн их хугарах, гэмтэх эрсдэлтэй яс. Эрдэмтэд сахлыг хонины ноостой харьцуулан судалж үзээд, сахал бол нүүрэнд ирэх цохилтын хүчийг сааруулах үүрэгтэй гэдгийг олж мэдсэн байна. Эрдэмтдийн тайлбарлаж буйгаар бол сахал нь эрүү болон цохиж буй биетийн хооронд үүсэх даралтыг багасгах нөлөөтэй гэнэ.
Олон жилийн турш сахал нь эрэгтэйлэг байдлыг илтгэх, хүчирхэг харагдуулах “зэвсэг” байсаар ирсэн. Харин зарим эрдэмтэд олон жилийн өмнөөс л эр хүний сахал нь арслан болон бусад амьтдын зогдортой ижил үүрэгтэй хэмээн үздэг байв. Харьцуулж үзвэл арслангийн зогдор эзнийхээ эрүү, хүзүү зэрэг эмзэг хэсгийг гадны дайралтаас хамгаалах үүрэгтэй аж.
Туршилт сахал чухам яагаад эрэгтэйлэг байдал, удирдагчийн зан авир, догшин зангийн илэрхийлэл байсаар ирснийг тайлбарлаж байна. Судлаачид дээрх туршилтын үр дүнг сум нэвтэрдэггүй хантааз биеийг сумнаас хамгаалах механизмтай адилтган тайлбарласан байна. Харин газар нутгийн байрлалаас харахад Ойрхи Дорнод, умард Европын эрчүүдэд өтгөн, хөвсгөр сахал ургадаг бол дорнод Ази, уугуул америк эрчүүдэд бага сахал ургадаг билээ. Ийнхүү нутаг бүрт сахал ургах нь өөр өөр байгааг эрдэмтэд цаг агаарын онцлог болон өвөг дээдсийн дөлгөөн, тайван зан чанартай холбон тайлбарлахыг оролддог аж.
