“Сайн геньтэй залуугаас хүүхэд төрүүлж байвал нөхөртэй байх нь тийм ч чухал биш” хэмээн цагтаа зоригтойхон ярилцлага өгч явсан гавьяат жүжигчин, дуучин Б.Сарантуяа үрсийнхээ дунд жаргаж яваа ганц бие ээж.
Олон жил өрсөлдсөн гавьяат жүжигчин, дуучин Т.Ариунаатайгаа нийлж, хамтарч дуулах болсон түүний амьдралд хувь хувьсгалын гэлтгүй ихээхэн өөрчлөлт гарч байгаа аж.
Ид залуухан, халуухан насандаа анхны нөхрөөсөө салж, олны танил болон бэлтэй эрчүүдтэй нэр холбогдож явсан тэрбээр “Хайрын бурхан” дууныхаа эзнийг сая л нэг олсон сурагтай.
“Монголын Алла Пугачёва” гэгдэх хүртлээ рок попын ертөнцөд урт удаан оршин тогтнож буй гавьяат маань сүүлийн жилүүдэд гадаад төрхөндөө ихэд анхаарч эхэлсэн.
Томоохон гоо сайхны салонуудын нүүр царай болж, халуухан хувцаслах болсон гавьяат маань саяхан тохиосон гэгээн Валентины баяраар болзоонд явж буйгаа дэлгэсэн.
Энэ талаараа “Хайрласан, хайрлагдсан, хайрлах л гэж яваа бүгдэд нь гэгээн хайрын баярын мэнд дэвшүүлье. Далим л гарвал хайрлуулах, хайрлах боломжийг бүү алдаарай” хэмээн зарлажээ.
