Мэргэжлийн сумогийн 68 дахь их аварга Асашёорюү Д.Дагвадорж хоёр дахь амьдралынхаа нүүрийг үзээд хэдийнэ дөрвөн жил болж буй.
Анхны амьдралаа Г.Тамир гэх бүсгүйтэй дөнгөж 22 насандаа эхлүүлж, охин хүү хоёртой болж байсан тэрээр 28 насандаа дуулиан шуугиантайгаар салж байв.
Гоонь эрийн амьдралаар багагүй хугацаанд амьдарч, бас бус хүүхнүүдтэй нэр холбогдож явсан тэрээр өдгөө 40 настай.
Хоёр дахь амьдралын эзнээрээ өөрөөсөө 14 насаар дүү Хөвсгөл нутгаас гаралтай М.Отгонцэцэг гэдэг бүсгүйг сонгосон. 1994 онд төрсөн энэ эхнэр нь эрхэм аваргад 2019 оны намар охин төрүүлж өгсөнөөр Асашёорюү аварга гоонь эр байхаа больсноо албан ёсоор зарлаж байв.
Тэр өдгөө залуухан гэргийнхээ зургаар цахим хуудасныхаа нүүр хуудсыг чимэх болжээ. 
Харин өчигдөр анх удаа М.Отгонцэцэг бүсгүйгээс төрсөн бяцхан охиныхоо гэрэл зургийг ил гаргажээ.
