Монголын сэтгүүлзүйд өөрийн өнгө төрхтэй цөөн сэтгүүлчийн нэг бол Бадамдоржийн Ганчимэг.
Өдгөө Монцамэ агентлагийг удирдаж яваа түүнийг ярилцлагын хатан хаан гэж эгэл жирийн уншигчид өгсөн. Энэ тодотголоороо уншигчдийн дунд дархалагдсан түүнд хэний ч өмнө үг, сэтгэлээ нээдэггүй хамгийн ховор хүмүүс ярилцлагаа өгдөг. 
Түүнээс сэтгүүлзүйн тулхтай бүтээл, даацтай нийтлэлийг хүмүүс хүлээдэг. Ингэж хүлээн зөвшөөрөгдөхийн тулд тэр чамгүй замыг туулсан нь мэдээж.
Гэхдээ энэ амжилт, хүндэтгэлийн гол суурь нь төрмөл авьяас, хэзээ ч хаана нүд чихээ хурцалж, халуун сэдвийг мэдэрдэг, “барьж авдаг” сэтгүүлчийн ясны чанар болов уу.
