“Цэрэн турс” ХХК-ийн захирал Э.Цэрэндолгор буюу “Цэнхэр үст” Цэрэн сошиалд алдартай нэгэн. Нийгмийн болохгүй бүтэхгүй зүйлд шүгэл үлээж түрүүлж дуугардаг түүнийг дэмжигчид нэлээгүй байхад үзэн ядагсад ч бишгүй. 
Анхны амьдралаасаа Нямдорж гэх хүү төрүүлсэн тэрбээр хоёрдахь амьдралаа Рик хэмээх гадаад эрийг сонгож ханилсан. Тэгвэл өнөөдөр тэрбээр “Алдарт эх”-ийн одон хүртэж, хажуудаа ханиа дагуулан гангарч яваа нь манай сайтын папарацийн дуранд өртжээ.
Э.Цэрэнг хүмүүс бусад гадаад эртэй ханилсан эмэгтэйчүүдтэй ижилсгэж “ад үзэх” нь бий. Гэвч үнэндээ харьд бэрлэсэн, эх орондоо үнэнч гэдгийг олон үйлдлээрээ тэр харуулж яваа. Түүний нөхөр Рик 1992 онд дэлхийг унадаг дугуйгаар тойрох аялалын маршрутаараа Монголд ирж Э.Цэрэнтэй танилцжээ. Тэрээр 20.000 км ганцаарчлан дугуйгаар аялсан аялагч юм. Тэд дундаасаа хоёр хүү төрүүлсэн бөгөөд өдгөө өөр өөрсдийнхөөрөө амьдарч яваа. Харин хэдэн жилийн өмнө асрамжийн газраас ганц охин өргөж авсан ч, удалгүй орчлонгоос буцсан. Охиныхоо араас багагүй хугацаанд гашуудаж явсан “Цэнхэр үст” бүсгүй маань өөрийн цахим хуудаснаа “Дөрвөн хүүхдийн ээж болсноос хойш 15 жилийн дараа Алдарт Эхийн одон Ерөнхийлөгч У.Хүрэлсүхээс авлаа. Төрийн ордонд Төрийн дуулал эгшиглэхэд эгээтэл нулимс мэлтэрсэнгүй… Ордноос гарч ирсэн хойно Рик… Чи улам үзэсгэлэнтэй харагдаж байна. Аан… энэ нөгөө одон нь уу? Энгэрт чинь гялалзаад гоё харагдаж байна гэж сонирхов” гэжээ.
