2022 оны 7 дугаар сарын 14, 15-ны өдрүүдэд Дэлхийн эмэгтэйчүүдийн эдийн засаг, бизнесийн форум (WWEBF) боллоо.
Эмэгтэй удирдагч, бизнес эрхлэгч, сурган хүмүүжүүлэгч, технологич, үзэл бодлын манлайлагчид Малайзын нийслэл Куала Лумпурт хуран чуулж , эдийн засгийн хөгжил болон бизнесийн ертөнцөд эмэгтэйчүүдийн үүрэг роль өөрчлөгдөж байгаа талаар ярилцаж, илтгэл хэлэлцүүлж шагнал гардуулах томоохон арга хэмжээ болов.
Энэ чуулганд Монгол улсаа төлөөлөн МЭХ-ны ерөнхийлөгч Б.Оюунгэрэл “Малчин эмэгтэйчүүдийн шинэ боломж ба дижитал эдийн засаг” сэдвээр илтгэл тавьжээ.Тэрээр
Women Leadership Excellence
Lifetime Achieveme шагнал гардлаа.
Цахим хуудаснаа “Малайзын Куала Лампур хотод 2022.07.14-15-ны өдрүүдэд болсон Дэлхийн эмэгтэйчүүдийн эдийн засаг, бизнесийн форум WWEBF сая өндөрлөлөө.
Хоёр өдрийн турш олон улсын эмэгтэйчүүд цар тахлын амаргүй нөхцөлийг хэрхэн даван туулсан цаашид шинэ технологи дижитал эдийн засгийг хэрхэн илүү үр өгөөжтэй нэвтрүүлэх талаар улс орнуудаас ирсэн төлөөлөгчид санал бодол, туршлага, мэдлэгээ хуваалцаж, танилцаж, нөхөрлөсөнөөр энэхүү чуулган өндөрлөлөө.
2022.07.14-ний орой болсон хүндэтгэлийн хүлээн авалт дээр зохион байгуулагдын зүгээс салбар бүрийн манлайлагч, эмэгтэй бизнесүүдийг дэмжигч, ажлын байр бий болгогч эмэгтэйчүүдэд шагнал гардуулж дурсгалын цом, өргөмжлөл гардуулсан.
20 гаруй эмэгтэй энэхүү шагналын эзэн болсоны нэгэнд багтаж энэхүү нэр хүндтэй шагналын эзэн болсондоо баяртай байна.
Гэнэтийн байлаа.
21 аймгийн салбар зөвлөлийн тэргүүн, тэргүүлэгчид, Удирдах зөвлөлийн гишүүддээ баярлалаа. Энэ бол хамтын үнэ цэнэ, хөдөлмөр, сэтгэлийг үнэлсэн шагнал байлаа.
Баярлалаа та нартаа.
Энэ шагналыг маш олон нэр төртэй нийгмийн зүтгэлтнүүд, бизнес эмэгтэйчүүдийн дундаас шалгаруулан гардуулж байгаа нь шагнал хүртсэн бүсгүй хүн бүрт насан туршийн хүч чадлын бэлэг тэмдэг, урам зориг нь болно биз ээ” гэжээ.
