“Марзан” Г.Жанчив манай дуранд

“Цас бударсан шөнөөр л төрсөн гэдэг юм даа намайг. Арванхоёрдугаар сарын 31-нээс нэгдүгээр сарын 1-нийг шилжих шөнийн 02:30 минутад. Хоёр оны зааг дээр төрөх онцгүй ээ. Он цаг тооллоороо 1992 оных, аргын тооллоороо 1991 онд төрсөн болчих гээд. Би айлын хэнз хүүхэд л дээ. Намайг төрөхөд ямар нэгэн зүйл болвол гомдолгүй шүү гэж гарын үсэг зуруулж, нэлээд юм болж байсан юм гэнэ лээ” гэж хээгүйхэн ярих залууг Ганзоригийн Жанчив гэдэг. Түүнийг “Хамтран амьдрагч” киноны “Пүнтүүз”-ийн дүрээр нь олон нийт илүү мэдэх байх. Тэрээр “Би дурламаар байна, бусдын адил үнсэлцмээр байна” гэж залуусын сэтгэлд хоногштол дуулсан “Мааз” хамтлагийн гишүүн.
Шинэхэн найруулагч, зохиолч тэрбээр оюутан байхаасаа олон дэлгэцийн уран бүтээл, кино, клипэнд дүрээ үлдээж амжсан сэргэлэн залуу.
Бусад хүүхдийн адил гэр хорооллын гудамжинд чулуун байлдаан-“Шамбалын дайн”-д орж явсан хүүхэд насандаа тэр хайртай.
Үеийнхэн дундаа марзан гэдгээрээ алдартай Г.Жанчивыг манай сайтын папараци дуран онцлон буулгалаа.