“Мөрөөдлийн театр”-таа үнэнч бүсгүй Ч.Баярмаа

Мөрөөдлийн театрын хамт олон “Шөнө буусан аадар” жүжгээ олны хүртээл болгоод удаагүй байна. Тэгвэл тус жүжигт өөрийн авьяасаа гайхуулсан жүжигчин Ч.Баярмааг бид энэ удаагийн папарци дурандаа онцолж байна.
Ч.Баярмаа үеийн жүжигчдээсээ онцгойрч ялгарсан гоц авьяасгүй ч өөрт оногдсон дүрээ хөнгөхөн аваад гарчихдаг бөгөөд суурьнаас нь өдийг хүртэл Мөрөөдлийн театртаа үнэнчээр зүтгэж буй эмэгтэй юм.
Түүний хувьд өдгөө 35 настай, жүжигчин З.Онон нартай СУИС-ын нэг ангийг дүүргэжээ. Уран бүтээлийнхээ гарааг “Х-Түц” продакшнаас эхэлж байсан ч, “Мөрөөдлийн театр”-ыг байгуулагдах үеэс орсон.
Тэр бүр хэвлэлээр гараад байдаггүй даруухан нэгэн ч гэх түүнийг хэлэх хүн олон. Өнгөрсөн гурван жилийн хугацаанд хувийн амьдралаа төвхнүүлж, ээж болсон тэрбээр эргэн тайзнаа ирэхдээ хөөрхөн сайхан хэвээрээ л байна.
Түүнийг нэгэн хэсэг Мөрөөдлийн театрын захирал, жүжигчин Эрхэмбаярын нууц амраг хэмээж олон хүн чичилж байсан ч, цаг хугацаа тэднийг янаг амрагийн холбоогүй байсан гэдгийг батална.