Хавтаст хэрэг: Хөгжлийн банкны хэрэгт яллагдагчаар татагдсан этгээдүүд /цуврал№3/

Хөгжлийн банкны гэх хэрэг шүүхэд шилжсэн бөгөөд 80 хүн дөрвөн хуулийн этгээдэд яллах дүгнэлт үйлдсэн билээ.

Хэдийгээр хэргийг нээлттэйгээр шийдэх байсан ч шүүх хуралд оролцогчид шүүх хурлыг хаалттай явуулах хүсэлт гаргасан тул хэн нь ямар гэмт хэрэг үйлдсэн байж болзошгүй талаар олон нийт мэдэх боломжгүй болсон юм.

Тиймээс www.Tac.mn сайтын сурвалжилах баг уг хэргийн талаарх цуврал нийтлэл бэлтгэн хүргэж байна. Бид эхний цувралд Хөгжлийн банкны хэрэгт яллагдагчаар татагдсан 80 хүн, дөрвөн хуулийн этгээдүүдийн хэн нь хэн бэ гэдгийг гурав хуваан хүргэх болно. Үүний дараа тэдний холбогдсон гэмт хэрэг болон нотлох баримт, гэм буруугийн талаар мөн цувралаар хүргэхээр бэлтгэлээ.

Хөгжлийн банкны гэх хэрэгт яллагдагчаар татагдсан этгээдүүдийн талаас илүү нь Хөгжлийн банкны ажилтан, ТУЗ-ийн гишүүн даргаар ажиллаж байсан болохыг бид өмнө нь онцолсон бол энэ удаад зээлдэгч, зуучлагч болон хуулийн этгээдүүдийн мэдээллийг хүргэж байна.

62. Гэндэндилийн Батдорж – Монгол улсын иргэн, 1972 оны 07-р сард төрсөн. Эрэгтэй, эдийн засагч мэргэжилтэй. “Сэлэнгийн герефорд” ХХК-ийн хувьцаа эзэмшигч, үйл ажиллагааг хариуцан ажилладаг. Хан-Уул дүүрэгт оршин суух хаягтай, ял шийтгэлгүй.
63. Гонгорын Галсанням – Монгол улсын иргэн, 1984 оны 02-р сард төрсөн. Эрэгтэй, бизнесийн удирдлага мэргэжилтэй. “Блюм мом металс” ХХК-ийн гүйцэтгэх захирал. Баянзүрх дүүрэгт оршин суух хаягтай, ял шийтгэлгүй.
64. Цогбаатарын Содхүү – Монгол улсын иргэн, 1993 оны 06-р сард төрсөн. Эрэгтэй, олон улсын харилцаа мэргэжилтэй. “Болор шүр” ХХК-ийн захирал. Сүхбаатар дүүрэгт оршин суух хаягтай, ял шийтгэлгүй.
65. Ядмаагийн Батцэцэг – Монгол улсын иргэн, 1957 оны 12-р сард төрсөн. Эмэгтэй, эдийн засагч мэргэжилтэй. Өндөр насны тэтгэвэрт байдаг. Сүхбаатар дүүрэгт оршин суух хаягтай, ял шийтгэлгүй.
66. Лацайн Ням-Очир – Монгол улсын иргэн, 1968 оны 02-р сард төрсөн. Эрэгтэй, автомеханик мэргэжилтэй. “Ган хүдэр орд” ХХК-ийн менежер. Дархан-Уул аймгийн Дархан суманд оршин суух хаягтай, ял шийтгэлгүй.
67. Нямжавын Батбаяр – Монгол улсын иргэн, 1960 оны 04-р сард төрсөн. Эрэгтэй, эдийн засагч мэргэжилтэй. Эрхэлсэн тодорхой ажилгүй. Хан-Уул дүүрэгт оршин суух хаягтай, ял шийтгэлгүй.
68. Энхболдын Эрдэнэбилэг – Монгол улсын иргэн, 1989 оны 10-р сард төрсөн. Эрэгтэй, санхүүч мэргэжилтэй. “Монгол драй милк” ХХК-ийн гүйцэтгэх захирал. Хан-Уул дүүрэгт оршин суух хаягтай, ял шийтгэлгүй.
69. Хадбаасангийн Бат-Эрдэнэ – Монгол улсын иргэн, 1978 оны 03-р сард төрсөн. Эрэгтэй, барилгын инженер мэргэжилтэй. “Алтай групп” ХХК-ийн ерөнхийлөгч ажилтай. Сүхбаатар дүүрэгт оршин суух хаягтай, ял шийтгэлгүй.
70. Огногийн Хуягцогт – Монгол улсын иргэн, 1977 оны 10-р сард төрсөн. Эрэгтэй, эдийн засагч мэргэжилтэй. Боловсрол, шинжлэх ухааны яаманд Санхүү хөрөнгө оруулалтын газрын даргаар ажилладаг. Баянзүрх дүүрэгт оршин суух хаягтай, ял шийтгэлгүй.
71. Оргойн Баяр – Монгол улсын иргэн, 1966 оны 06-р сард төрсөн. Эрэгтэй, физикийн багш мэргэжилтэй. “Комплант” ХХК-ийн захирал. Сүхбаатар дүүрэгт оршин суух хаягтай, ял шийтгэлгүй.
72. Батхуягийн Цолмон – Монгол улсын иргэн, 1985 оны 05-р сард төрсөн. Эрэгтэй, санхүүгийн удирдлага мэргэжилтэй. Эрхэлсэн тодорхой ажилгүй. Сүхбаатар дүүрэгт оршин суух хаягтай, ял шийтгэлгүй.
73. Пүрэвийн Мягмардорж – Монгол улсын иргэн, 1963 оны 11-р сард төрсөн. Эрэгтэй, автын инженер мэргэжилтэй. “Газ импорт” ХХК-ийн захирал. Багахангай дүүрэгт оршин суух хаягтай, өмнө нь

• 1984 онд Эрүүгийн хуулийн 169.В-д зааснаар гурван жиоийн хорих ял
• 2011 онд Эрүүгийн хуулийн 181.3-д зааснаар гурван жил таван сар хорих ял
• 2021 онд Эрүүгийн хуулийн 17.3.2-д зааснаар 10 000 нэгжтэй тэнцэх хэмжээний төгрөгөөр торгох ялаар тус тус шийтгэгдэж байсан.

74. Цогтжаргалын Ууганбаяр – Монгол улсын иргэн, 1989 оны 06-р сард төрсөн. Эрэгтэй, бизнесийн удирдлага мэргэжилтэй. “Нью яармаг хаусинг прожект” ХХК-ийн гүйцэтгэх захирал. Хан-Уул дүүрэгт оршин суух хаягтай, ял шийтгэлгүй.
75. Далрайн Даваасамбуу – Монгол улсын иргэн, 1952 оны 08-р сард төрсөн. Эрэгтэй, эдийн засагч мэргэжилтэй. Хөгжлийн банкны Төлөөлөн удирдах зөвлөлийн орон тооны бус гишүүнээр ажиллаж байсан. Монголбанкны хяналтын зөвлөлийн дарга болон УИХ-ын дэргэдэх төсвийн тогтвортой байдлын зөвлөлийн дарга ажилтай. Чингэлтэй дүүрэгт оршин суух хаягтай, ял шийтгэлгүй.
76. Хассуурийн Ганхуяг –   Монгол улсын иргэн, 1977 оны 06-р сард төрсөн. Эрэгтэй, эдийн засагч мэргэжилтэй. Улсын их хурлын гишүүн. Хан-Уул дүүрэгт оршин суух хаягтай, ял шийтгэлгүй.
77. Ганибалын Амартүвшин – Монгол улсын иргэн, 1974 оны 06-р сард төрсөн. Эрэгтэй, эдийн засагч мэргэжилтэй. Улсын их хурлын гишүүн. Хан-Уул дүүрэгт оршин суух хаягтай, ял шийтгэлгүй.
78. Ёндонпэрэнлэйн Баатарбилэг – Монгол улсын иргэн, 1975 оны 12-р сард төрсөн. Эрэгтэй, түүхч, архелогич мэргэжилтэй. Улсын их хурлын гишүүн. Сүхбаатар дүүрэгт оршин суух хаягтай, ял шийтгэлгүй.
79. Норовын Алтанхуяг – Монгол улсын иргэн, 1958 оны 01-р сард төрсөн. Эрэгтэй, физикийн багш мэргэжилтэй. Улсын их хурлын гишүүн. Хан-Уул дүүрэгт оршин суух хаягтай, ял шийтгэлгүй.
80. Баярын Баттөр – Монгол улсын иргэн, 1979 оны 03-р сард төрсөн. Эрэгтэй, мэргэжилгүй, малчин. Сүхбаатар аймагт оршин суух хаягтай, ял шийтгэлгүй.

Хуулийн этгээд

1. НВЦ ХХК – Хуулийн этгээдийн бүртгэлд 2004 онд 232094 дугаартай шийдвэрээр үүсгэн байгуулагдсан. Гадаад худалдаа, Монгол улсын хилээр үржлийн дэгдээхэй, үржлийн өндөг импортлох чиглэлээр үйл ажиллагаа явуулдаг. ХУД-ийн 03-р хороонд өөрийн байранд байрлах 2860597 регистрийн дугаартай.
2. Инжир ХХК – Хуулийн этгээдийн бүртгэлд 2006 онд үүсгэн байгуулагдаж бүртгэгдсэн. Гадаад худалдаа, модон эдлэл, аялал жуулчлалын чиглэлээр үйл ажиллагаа явуулдаг. СБД-ийн  05-р хороонд хаягтай, 28036754 регистрийн дугаартай.
3. Ганхүдэр орд ХХК – Хуулийн этгээдийн бүртгэлд 2012 онд 01 дугаартай шийдвэрээр үүсгэн байгуулагдаж, бүртгэгдсэн. Гадаад, дотоод худалдаа, төмрийн хүдэр нойтон аргаар баяжуулах үйлдвэрийн чиглэлээр үйл ажиллагаа явуулдаг. Дархан-Уул аймгийн Орхон суманд хаягтай, 4261097 регистрийн дугаартай.
4. Хааны харгуй ХХК – Хуулийн этгээдийн бүртгэлд 2007 онд 389 дугаартай шийдвэрээр үүсгэн байгуулагдаж, бүртгэгдсэн. Компьютер засвар, худалдааны зуучлал, гадаад худалдаа, ашигт малтмалын хайгуул эрхлэх чиглэлээр үйл ажиллагаа явуулдаг. ХУД-т хаягтай, 42490357 регистрийн дугаартай.

Бид дараагийн цувралаар яллагдагчаар татагдсан этгээдүүдийн ямар гэмт хэрэгт холбогдсон талаарх дэлгэрэнгүй мэдээллийг үргэлжлүүлэн хүргэх болно.

Бэлтгэсэн:

А.Баярмаа

П.Пүрэвчулуун

Холбоотой мэдээлэл буюу өмнөх цуврал:

Хавтаст хэрэг: Хөгжлийн банкны хэрэгт яллагдагчаар татагдсан этгээдүүд /цуврал№1/

Хавтаст хэрэг: Хөгжлийн банкны хэрэгт яллагдагчаар татагдсан этгээдүүд /цуврал№2/