ШӨХТГ-ын дарга асан С.Мөнхчулуун гоцлон попорч эхэллээ

ШӨХТГ-ын дарга байсан С.Мөнхчулуун 2024 оны сонгуулийг угтаж, гол дүрд тоглож попорч эхэлсэн бололтой. Тэрбээр даргаар ажиллаж байхдаа эхлүүлсэн ажлынхаа үр дүнг өнөөдөр үзлээ хэмээн өөрийгөө дээш нь “ шидэж” эхэлжээ. Тодруулбал, Ипотекийн зээл судлуулсаны төлөө банк 1 хувийн шимтгэл авдаг байсныг шүүхээр явсаар байгаад болиулж чаджээ. Харин ч зээлтэй иргэд 1 хувийн шимтгэлээ эргүүлэн буцааж авах боломжтой болж байгаа юм байна.
Энэ талаараа тэрбээр “Захиргааны хэргийн Давж заалдах шатны шүүхээс банкууд зээл олгосны шимтгэл авах нь хууль бус гэж үзсэнээр ШӨХТГ-ын дарг онаар 8 сар ажиллахадаа гаргасан 2 дахь том шийдвэр шүүх дээр яллаа. Банкууд УДШ-д гомдол гаргах эрхтэй. УДШ-ээс гомдлыг хүлээж авахгүй эсхүл энэ шийдвэрийг хууль ёсны гэж үзвэл шийдвэр эцэслэх юм. ШӨХТГ-ын хуульч Халиунаа, Гэрэлцэцэг, улсын байцаагч Эгшиглэн болон үнэ төлбөргүй өмгөөллийн үйлчилгээ үзүүлсэн өмгөөлөгч Өмгөөлөгч Ялалт, өмгөөлөгч Хуульч Батхүү нартаа баярлалаа. Ипотекийн зээлтэй 110 мянган иргэнд хамаатай маргаан нааштай шийдвэрлэгдсэнд баяртай байна” гэжээ.