2023 оны 12-р сарын 3-4-нд шилжих шөнө Хөвсгөл аймгийн Тосонцэнгэл сумаас Мөрөнгийн чиглэлд зорчиж байсан цагдаагийн алба хаагч зам тээврийн осол гаргасны улмаас нэг хүн газар дээрээ өөд болж, гэр бүлийн хоёр хүний биеийн байдал хүнд эмнэлэгт хүргэгдсэн хэрэг гарлаа. 
Ослын улмаас өөд болсон хүн нь цагдаатай хамт явсан найз нь бөгөөд тэд хувийн ажлаа амжуулж явсан гэх мэдээлэл байна. Осол гаргасан цагдаагийн алба хаагч урсгал сөрж явсны улмаас эсрэг урсгалаас ирж явсан тээврийн хэрэгсэлтэй мөргөлдөж нэг гэр бүлийн хоёр хүн гэмтэж эмнэлэгт хүргэгджээ.
Уг ослыг гаргасан алба хаагчийн биеийн байдал мөн тааруу байгаа бөгөөд эмнэлэгт хэвтэн эмчлүүлж яаралтайгаар хагалгаанд орсон гэх мэдээлэл байна. Тэрбээр цагдаагийн албанд ороод хоёр сар ч болоогүй бөгөөд хөдөлмөрийн чадвараа 80 хүртэл хувиар алдах хэмжээний гэмтэл авсан тул албанаас чөлөөлөгдөх магадлалтай гэнэ.
Иймд иргэн та замын хөдөлгөөнд анхаарал болгоомжтой оролцож болзошгүй эрсдэл бүхнээс өөрийгөө болон өрөөлийг хамгаалаарай.
