Цахим орчинд S Outlet, Акуа Гарден хотхоны газрын зөвшөөрөлтэй холбоотой шүүмжлэл өрнөсөөр байгаа. Үүнтэй холбоотойгоор нийслэлийн засаг дарга хэд хэдэн байршилд газар чөлөөлөх захирамж гаргасан. Захирамжийг хэрэгжүүлэхээр төрийн албан хаагчид асар их дарамтан дор ажиллаж байгаа ч эхнээсээ эрүүл мэнд, сэтгэл санаагаараа хохирч байна.
Тодруулблал, Нийслэлийн газар зохион байгуулалтын албаны Газар чөлөөлөх хэлтсийн мэргэжилтэн М.Бүжиллхамыг Дархан-Уул аймагт явж байхад нь дээрэмдэж, “аятайхан байхгүй бол, ажлаа муу хийхгүй бол ” амь насанд нь халдах болно хэмээн сүрдүүлсэн аж. Ийнхүү сүрдүүлсэн этгээдүүд түүнийг хотоос гарахад нь дагаж явсан бөгөөд найзтайгаа явж байхад нь уг хэрэг болжээ.
Бид энэ талаар Цагдаагийн ерөнхий газрын Хэвлэл мэдээллийн төвөөс тодруулахад : “Монгол улсын иргэн 44 настай М.Б гэгчийг 2024 оны 04 сарын 10 өдрийн 20 цагт Дархан-Уул аймагт дэвсгэрт дээрэмдсэн хэрэг бүртгэгдсэн. Хэргийг аймгийн цагдаагийн хэлтэст шалгаж байна. Шалгалтын ажиллагаа үргэлжилж байгаа болохоор үүнээс дэлгэрэнгүй мэдээлэл өгөх боломжгүй байна” гэв.
М.Бүжинлхам нь үерийн эрсдэл үүссэн бүс нутгийг хариуцсан газрын албаны мэргэжилтэн бөгөөд энэ талаарх ноцтой мэдээллийг олон нийтэд дэлгэсэн юм. Улмаар ажил үүргийн хувиар нийслэлчүүдийг үерийн эрсдлээс хамгаалахаар газар чөлөөлөлтыг яаравчилахад голлон анхаарсан хүмүүсийн нэг. Бид энэ хэргийн талаар тодруулахаар түүнтэй холбогдоход тэрбээр мэдээлэл өгөхөөс татгалзсан юм.
