Нийтийн дууны ертөнцөд “гүнж” гэх тодотголтой олон дуучид бий. Олон гүнж нар дундаас уран чадвар гэхээсээ илүүтэй гоо сайхнаараа тодордог дуучин бол Б.Уранзаяа. “Эгшиг” студийн тэргүүн хатагтай тэрээр шинэ шинэлэг уран бүтээлүүдээр сонсогч олныхоо сонорыг мялааж тоглолтын товоо зарлаад буй.
Сүүлийн үед уран бүтээлчид хиймэл оюун ухаанаар бүтсэн дуу уран бүтээлүүдийг дуулах “мода” дэлгэрсэн гэхэд хилсдэхгүй байх. Энэ жишгээр хиймэл оюун ухаанаар бүтсэн Э.Золжаргалын “Ээждээ ирсэнд баярлалаа” дуу уран бүтээлийг албан ёсны зөвшөөрөл авч дуулж, клипжүүлэн хүргэсэн нь түүнийг фэнүүддээ “гологдох” нэг шалтгаан болжээ.
Тоглолтынхоо нэгэн маркетинг болгож олон хүнд хүрсэн уг дууг дуулсан ч фэнүүд нь “эхний хувилбар нь чихэнд хоногшжээ”, “өөрийн чинь дуунуудыг сонсох дуртай ч энэ дууны өмнөх хувилбар нь гоё юм” хэмээн “тиймхэн” хүлээн авав. Гоо үзэсгэлэнгээрээ гайхагддаг тэрээр хиймэл оюун ухаанаас муухан дуулж фэнүүдийнхээ сэтгэлийг гонсгойлгочихов уу даа.
