Сүхбаатар дүүргийн 16-р хороо буюу Бэлхийн цэнхэр түц орчимд сар шинийн өмнө буюу битүүний өдөр бохир усны шугам задарсан байна. Үүний улмаас тухайн орчинд ус асгарч зайрмагтан гудамжинд хүн, машин явах аргагүй болжээ. Айлын хашаа руу бохир ус орж хөлдсөн бөгөөд тус хэсгээр машинтай явах гээд хэд хэдэн машин эвдэрсэн байна.
Тухайн орчмын иргэдийн мэдээлж байгаагаар тус газарт бохирын шугамын гурав дахь цооногоос ус хальж байгаа бөгөөд одоо ч хальсаар байгаа гэнэ. Бохир ус гудамжаар явах аргагүй болтол үерлэсэн тул тухайн гудамжны үзүүрт долоон машин гацсан байдалтай зогссон.
Түүнчлэн яаралтай түргэн тусламж дуудахад орж чадахгүй байгаа бол иргэд өвчтэй хүнээ гудамжны үзүүрт үүрч авч очих, эмчийг зайрмагтсан ус туулуулан байж эмнэлгийн тусламж авсан тохиолдол гарчээ.
Бид энэ асуудлаар албаны эх сурвалжуудаас тодруулан эргэж мэдээлэх болно.
