Морьт харваа, намнаа хэмээх өв соёлыг түгээн дэлгэрүүлэхэд ашигладаг тусгай сургуультай 18 морьдыг 2025 оны 6-р сарын 7-ний үүрийн 04:30 цагт хулгайд алдсан тухай мэдээлэл цахимд гарсан.
Уг морьд нь удахгүй болох олон улсын морьт харвааны уралдаанд бэлтгэхээр Жаргалантын аманд зусаж байсан бөгөөд тухайн өдөр морьдыг гурваас дөрвөн хүн нийлж хулгайлан, баруун хойш чиглэн тууж явсан бичлэг байгаа бөгөөд морьдын байршил тогтоогч GPS-г төхөөрөмжийг авч хаясан нь олдсон байна.
Тэгвэл энэ хэргийг үйлдсэн этгээдүүдийг олж тогтоожээ.
Тодруулбал, Эрүүгийн цагдаагийн албаны мал хулгайлах гэмт хэрэгтэй тэмцэх тасаг, Хан-Уул дүүргийн цагдаагийн хоёрдугаар хэлтсийн эрүүгийн мөрдөгч нар хамтран хулгайч нарыг баривчилжээ.
Харамсалтай нь дээрх 18 адууг бүгдийг нь махалсан байдалтай олдсон байна.
