Жил бүрийн есдүгээр сарын хоёр дахь долоо хоногийн амралтын өдрүүдэд Татварын албаны ажилтны өдрийг тэмдэглэдэг. Энэ өдөр тус байгууллагын ажилтнуудын дунд спортын уралдаан тэмцээн зохион байгуулдаг уламжлал тогтсон.
Харин энэ жил Татварын ерөнхий газрын дарга Ч.Чимидсүрэнгийн шийдвэрээр тус байгууллагад ажилладаг төрийн жинхэнэ албан хаагчдаас 80000, төрийн үйлчилгээний албан хаагчдаас 50000 төгрөг хураан авч дээрх өдрийг тэмдэглэн өнгөрүүлэхээр болсон тухай бид өчигдөр (2025.09.11) мэдээлсэн.
Тэгвэл энэ мэдээлэлтэй холбоотойгоор хэвлэл мэдээллийн хэрэгсэлд дотоод асуудлыг задалсан этгээдийг Татварын ерөнхий газрын дарга Ч.Чимидсүрэн хайсаар байгаа аж.
Үүгээр ч зогсохгүй нэгэнт зүй бус үйлдэл нь “гэрэл цохиулсан” тул Татварын албаны ажилтны өдрийн хүрээнд аялал, зугаалга, амралтад амрах гэж байснаа гэнэт болиулсан байна.
Улмаар Татварын албаны ажилтны өдрийн талаарх мэдээллийг сэтгүүлчдэд задруулахыг хатуу хоригложээ. Ичсэн хүн хүн ална гэдэг нь ү? Төрийн төлгөн даргын банталт гэдэг нь энэ үү?
