Л.Оюун-Эрдэнэ УИХ-ын гишүүн Б.Энхбаярын талаар шүүмжлэлтэй байр суурь илэрхийлжээ. Тэрбээр Б.Энхбаярыг өмнө нь улс төрийн нөлөө бүхий хүмүүстэй ойр ажиллаж байсан ч албан тушаал, нөхцөл байдал өөрчлөгдөхөд хандлагаа өөрчилдөг хэмээн ярьсан байна.
Л.Оюун-Эрдэнийн хэлснээр Б.Энхбаяр анх Ц.Нямдоржийг дагаж, шударга ёсны төлөө явдаг хүн мэт харагддаг байсан ч УИХ-ын сонгуульд ялагдсаны дараа түүнийг шүүмжилж байсан тухай дурджээ. Мөн тэрбээр Б.Энхбаярыг С.Батболдтой ойр ажиллаж байсан гэж хэлсэн байна.
Түүнчлэн Б.Энхбаярыг улс төрийн намын дэмжлэгийг ихээр авч байсан гэж үзэж, Д.Амарбаясгалан түүнийг намд авчирч, хамгийн их дэмжлэг үзүүлсэн хүмүүсийн нэг гэж Л.Оюун-Эрдэнэ онцолжээ.
Ерөнхий сайд цааш нь хэлэхдээ, 2027 оны Ерөнхийлөгчийн сонгуулийн дараа Б.Энхбаяр улс төрийн байр сууриа өөрчилж, одоогийн Ерөнхийлөгч У.Хүрэлсүх рүү шүүмжлэлтэй хандаж магадгүй гэж үзэж байгаагаа илэрхийлсэн байна.
