Нийслэлийн гудамж, талбай, орон сууцны хорооллуудад модны цагаан хөвөн ихээр тархаж, иргэдийн эрүүл мэнд, аюулгүй байдалд сөргөөр нөлөөлөх хэмжээнд хүрээд байна.
Цагаан хөвөн салхинд хийсэж нүд, хамар, ам руу орон харшил, амьсгалын замын зовиур үүсгэхээс гадна бага насны хүүхдүүд түүнийг шатааж тоглох нь нэмэгдэж, гал түймрийн эрсдэлийг бодитоор бий болгож байна.
Хотын удирдлагуудыг жил бүр давтагддаг энэ асуудлыг үл тоомсорлож, урьдчилан сэргийлэх арга хэмжээг цаг тухайд нь зохион байгуулдаггүй.Чигшүүлэгч машин ашиглан цагаан хөвөнг дарж, эрсдэлтэй бүсүүдэд шуурхай цэвэрлэгээ хийх боломж байсаар атал дорвитой ажил харагдахгүй байна.
Иймд нийслэлийн Засаг дарга болон холбогдох байгууллагууд энэ асуудалд яаралтай анхаарал хандуулж, модны цагаан хөвөнг дарах, цэвэрлэх ажлыг шуурхай эхлүүлэх, мөн хүүхдүүдийг галын аюулаас урьдчилан сэргийлэх талаар олон нийтэд сэрэмжлүүлэг хүргэж шуурхай ажиллах шаардлагатай байна.
