Эмэгтэйчүүд өөрийг нь хайрладаг хүнтэй үлддэг
За ер нь сүүлийн үед зарим нэг хүмүүсээс Монгол охидоо гадаад хүнтэй суухыг уриаллаа чи энэ Влогоо хийхээ больчихооч гэдэг коммэнт мэссэжүүд их ирдэг болжээ. Вов, зарим хүмүүс бүр үнэхээр хүнийг сэтгэл санаагаар унатал доромжилж ч чаддаг юм байна. Маш удаан та нарын үгсийг чимээгүй сонсож явсны эцэст нэг юм хэлмээр санагдлаа.
Хэнтэй сууж яаж амьдрах хувь тавилангаа зүгээр нэг Влог үзээд л шийдчихдэг тийм жижиг бодолтой хүн өөрөөс чинь өөр байхгүй байх. Надад эмэгтэйчүүд охидуудаас минь олон зөвлөгөө хүссэн мэссэж ирдэг тэд харь хүнтэй яаж гэрлэх вэ? гэж биш харин найз залуу минь намайг дандаа харааж муухай аашилдаг би яах вэ?
Намайг тэр минь хуураад байна яах вэ? Халамж хайраар би дутлаа, би өөрөө буруутай юм болов уу? гэсэн өөрийгөө олохыг хичээж буй итгэл найдвар хайсан эмэгтэйчүүд байдаг юм.
Намайг Монгол охидоо харийн хүнтэй суухыг уриаллаа барилаа гэж хамаг уураа барж суухын оронд хажуудаа байгаа хань ижил, найз охин, ирээдүйн ханьдаа эр хүн шиг эр хүн байж, хань шиг нь хань байхсан гэж хичээмээр юм. Тэгээд ч эмэгтэйчүүд өөрийг нь чин сэтгэлээсээ хайрладаг хүнтэй л үлддэг юм.
Өөрсдөө хайрлаж чадаагүй алдчихаад араас нь хачин балиар үгээр харааж хамаг бурууг эмэгтэйчүүдэд чихдэг ийм хачин зангаа болимоор юм зарим хүмүүс.
Би бүх эрчүүд гээгүй шүү! Манай Монгол эрчүүдийн мундаг нь дэндүү мундаг, тэнэг нь дэндүү тэнэг байх юм даа….
