Үндэсний их баяр наадмыг тохиолдуулан эрхэлсэн ажилдаа амжилт гаргасан хүмүүсийг шагнаж урамшууллаа

                Монголын тулгар төрийн 2229, Их Монгол улсын 814, Ардын хувьсгалын  99 жилийн ойг тохиолдуулан Орхон аймгийн иргэдийн Төлөөлөгчдийн Хурал, аймгийн Засаг даргын нэрэмжит шагнал гардуулах арга хэмжээ боллоо. Арга хэмжээг Орхон аймгийн ИТХ-ын дарга П.Пүрэвлхагва нээж үг хэллээ. Аймаг, орон нутагтаа олон жил үр бүтээлтэй ажиллаж, эрхэлсэн ажилдаа амжилт гаргасан нэр бүхий хүмүүсийг аймгийн ИТХ-ын байгууллагын “Иргэний төлөө” медаль, “Хүндэт жуух бичиг”, Орхон аймгийн “Хүндэт тэмдэг”, аймгийн Засаг даргын “Жуух бичиг”-ээр шагнаж урамшууллаа.

       Мөн 2019-2020 оны хичээлийн жилд амжилттай сайн суралцан сурлагын өндөр амжилт гаргасан буюу элсэлтийн ерөнхий шалгалтадаа 800 оноо авсан сурагчдад аймгийн Засаг даргын нэрэмжит сургалтын тэтгэлэг олгохоор шийдвэрлэж, батламжыг гардуулан өглөө.