Улсын арслан Ц.Содномдорж байрыг нь худалдан авсан хүнтэй зоог барина

Хөвсгөл аймгийн Тосонцэнгэл сумын уугуул Улсын арслан Ц.Содномдорж байраа зарахаар болжээ.

Тэрээр байраа хагас тэрбум төгрөг буюу 500 саяар үнэлсэн бөгөөд зарах байрныхаа маркетингийг өөрөө хийж эхэлсэн байна

.

Рома тауны 143 м2 бүхий дөрвөн өрөө орон сууцаа худалдан авсан хүнтэй зоог барина гэдгээ ч амалсан байна.

Монгол улсын арслан Цэдэвийн Содномдорж нь 1986 онд Хөвсгөл аймгийн Тосонцэнгэл суманд төрсөн. Тэрээр 2009 оны үндэсний их баяр наадмаар 5-ын даваанд Монгол улсын харцага Т.Өсөх-Ирээдүй (Тухайн үедээ Монгол улсын начин цолтой байсан)-тэй тунан барилдаж давснаар Монгол Улсын начин цолыг хүртсэн. Улмаар 2011 оны үндэсний их баяр наадамд Монгол Улсын заан Б.Батмөнх (тухайн үедээ аймгийн арслан байсан)-өөр зургаа даван харцага цолны болзол хангасан. Ингээд 2015, 2016 онуудад зургаа давж харцага цолоо баталсан тэрээр 2017 оны наадамд 9 даван түрүүлж, Монгол Улсын арслан цол хүртэж байна. Ц.Содномдорж нь бие галбир сайхантай, уран гоё барилдаантай, Монголчуудын хайр, хүндлэлийг хүлээсэн бөх билээ.