Алдарт уяач П.Энхмөнх АН-ын зөвлөх боллоо
Төв аймгийн Баян сумын уугуул, Монгол Улсын Манлай уяач Пунцагбалжирын Энхмөнх АН-ын бүлгийн ажлын албаны орон тооны зөвлөх болжээ. Удам дамжсан уяач тэрээр улс төрийн амьдрал руу ийнхүү орж яваа бололтой.
Магадгүй ирэх 2024 оны УИХ-ын ээлжит сонгуулиар Төв аймагтаа нэр дэвшихийг хэн байг гэхэв.
Өдгөө 35 настай П.Энхмөнхийн хувьд аавыгаа тэнгэрт одсоноос хойш буюу 1996 оноос өөрийнхөө нэр дээр морь уралдуулж эхэлсэн юм.
Түүний аав Монгол Улсын манлай уяач Пунцагбалжир агсан ММСУХ-ны анхны Ерөнхийлөгч байсан бол П.Энхмөнх аавынхаа үйл хэргийг үргэжлүүлж, тус холбооны төлөөлөн удирдах зөвлөлийн гишүүнээр ажилдаг гэсэн.
