Уншаад нэгийг ухаарах болуу хэмээн энэхүү бичвэрийг сэргээн орууллаа.
Д.Амаржаргал: “Одоо та нар минь дулаахан газар байгаа юм чинь би явлаа” гэж ханиа зүүдлэж сэрлээ
Одоогоос зургаан жилийн өмнө таксины жолооч хийдэг, таван хүүхэдтэй эгэл жирийн эрийн тухай нэвтрүүлэг цацагдаж, олон хүнд амьдралын утга учрын тухай дахин бодох сэдэл төрүүлж билээ. Өглөө таксиндаа гараад, орой үр хүүхдүүддээ очих гэж яардаг, тэднийхээ инээд баяслаар амьдралаа чимж явдаг сайхан сэтгэлт, “мундаг сайн аав” Т.Даваасүрэнгийн тухай өдгөө мэдэхгүй хүн гэж үгүй. Харамсалтай бурхны оронд зуурдаар мордож, хань Д.Амаржаргал нь таван хүүхдийнхээ хамт хоцорсон билээ.
Түүний хань болон үр хүүхдүүд фэйсбүүк хуудсаараа дамжуулан хайртай аавынхаа араас гүн эмгэнэл илэрхийлсэн даруйд “Шинэ Толгойт” орон сууцжуулах хөтөлбөр төслийн хамт олон Т.Даваасүрэн агсны гэр бүлд хоёр өрөө байр өгөх болсноо зарлаж, араас нь гайхамшигт үйл явдлууд шил шилээ даран өрнөсөн билээ.
“Мундаг сайн аав”-ын гэр бүлийнхэн он гарахын өмнөхөн шинэ байрандаа нүүн орсон нь саяхан мэт тод үлджээ.
-ХАНИЙН МИНЬ САЙХАН ЭНЕРГИ БИДНИЙГ ДАГААД Л БАЙДАГ ЮМ–
Миний хань нэг их гоё том захиа үлдээгээд “Та нар минь одоо дулаахан газар байгаа юм чинь би явлаа” гээд явж байна гээд зүүдэлсэн. Би уйлчихсан сэрсэн. Өглөө нь босоод өөрийнхөө фэйсбүүк хуудасдаа “Өглөө гунигтай, бас баяртай сэрлээ” гээд сэтгэгдлээ бичтэл нэг эгч санаандгүй хараад таван хүүхдэд маань шинэ жилийн бэлэг гээд энэ том зурагт өгсөн хэмээжээ.
100-ИЙН ПЕЧЕНЬ” ГЭР БҮЛЭЭРЭЭ ИДЭЭД ХОНОЖ БАЙСАН
ЖАРГАЛТАЙ ДУРСАМЖ БИДЭНД БИЙ–
Нэгхэн ширхэг “100-гийн печень” гэр бүлээрээ идээд хонож байсан жаргалтай дурсамж ч бидэнд бий. Тэр өдөр тогийг маань тасалчихсан, машин эвдэрчихсэн, би ажилгүй бага охин маань нярай байлаа. Бид хоёр мөнгөө нийлүүлээд, 100 төгрөгийн печень аваад, нэг хүнд нэг бүтэн, хагастай оногдож байсан юмдаг (инээв. сурв). Энэ хэд маань “аймаар” цадаад байгаа юм чинь, цадаж байгаа хүүхдүүдээ хараад бид хоёр цадчихна. Тэр оройжин лааны гэрэлд бид хэд юм ярьж, тоглож, инээлдэж сууж билээ. Ёстой тог тасраад, гэрийнхэнтэйгээ ярилцсан чинь дажгүй хүмүүстэй амьдардаг юм билээ гэдэг онигоо шиг л юм болсон доо (инээв. сурв). Тэр амьдрал минь хамгийн гоё байжээ. Талхны сав дүүрэн байсан ч сэтгэлд хоосон байх нь дүүрэн биш юмаа хэмээн ярьж байжээ.Үнэхээр ухаалаг бүсгүй байгаа биз.Уншигч та бүгдийг нэгийг тунгаан гэж бодож сэргээж оруулав.
