Ододтой бүжиглэе шоуны чимэг болсон авьяасын ундарга “Ангууч” нэрээрээ сошиалд танигдсан түүнийг Батбаатарын Баттөр гэдэг бөгөөд санхүүч мэргэжилтэй.
Яагаад Ангууч гэж нэрлэдэг вэ талаар тэрээр “намайг бага байхад зааж зөвлөх хэн нэгэн, эсвэл ах ч юм уу хэрэгтэй байсан. Яг над шиг ийм зүйл хүсч байгаа залуус олон байдаг. Тийм болохоор би одоогийн залууст хэрэгтэй зүйлийг нь хэлж өгөх юм сан гэж хүсдэг. Тэр хүмүүс 24 цаг инстаграмын “Live”-аар, “Story”-оор надтай хамт байна. Энэ юу хийж байна, юу үзэж байна гэхчлэн сонирхож, мэдээлэл авч байдаг. Тийм болохоор сошиалд хуваалцаж байгаа мэдээллээрээ хүмүүст урам зориг өгч, сэдэл төрүүлэхийг хүсдэг” гэж байжээ.
Тэрээр зан характертай сайн тохирдог учраас авхаалж самбаа зориг шаардсан хурдтай тэсрэлттэй спортод дуртай.
Тамирчингаас гадна загвар өмсөгч гэдгийг хүмүүс сайн мэднэ.
Энэ удаад “Ододтой бүжиглэе” шоунд орж фейсбүүк сошиал хандалтаараа олныг гайхшруулж байгаа.
Түүний бүжгийн хамтрагч бүжгийн спортын Олон Улсын Хэмжээний Мастер Б.Халиун нь СУИС-ийг багш дасгалжуулагч, бүжигчнээр төгссөн. Хамтлаг төрлөөр Монгол улсын 6 удаагийн аварга, ДАШТ-ы 5-р байрын шагналт, бүжгийн спортоор 9 жил хичээллэсэн, Dance Chance challange санаачлагч залуухан эрч хүчтэй бүжигчин, бүжгийн багш дасгалжуулагч юм.
Үзэгч фэнүүдээ гайхшруулж байгаа бүжгийн хосууддаа амжилт хүсье.
